| e-texts navigator |
| Wylie |
10b1 གིས་ཡུལ་སེམས་གཅིག་འདོད་གོལ།། དེ་དག་རྒྱུད་ལུང་ཡུལ་གྱིས་བསྒྲིབས་པའི་ཕྱིར།། རང་བྱུང་ཡེ་ཤེས་དོན་མ་རེག་པའི་ལམ།། དེ་དོན་རིམ་གྱིས་དད་དུ་བཞག་དགོས་པས།། ཡེངས་པ་འབྱུང་ཕྱིར་མ་ནོར་དོན
10b2 དང་བྲལ།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། རྒྱུད་ལུང་དང་བསྒོམ་གྱིས་དོན་མ་རེག་པར་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་ཀུན་རིག་རྒྱལ་པོས
10b3 བཀའ་སྩལ་པ།། ཐེག་བརྒྱད་མྱ་ངན་འདས་པར་བསྟན་པ་ཡང་།། གོང་འོག་ས་ལམ་རིམ་པར་ཕྱེ་བ་སྟེ།། ལ་ཤན་དྲང་དོན་ཡིན་ཏེ་ངས་བཤད་ཉོན།། ཉན་ཐོས་རང་རྒྱལ་མདོ་སྡེ་བྱེ་བྲག་པ།། མུན་ལས་ནམ་ལངས
10b4 བྱད་ལྟས་ཉི་མེད་བཞིན།། བསྐལ་པར་ལམ་ལྔར་རིམ་གྱིས་བགྲོད་གྱུར་ཀྱང་།། ཕྱོགས་ཙམ་རྟོགས་ཀྱང་བག་ལ་ཉལ་ཡོད་ཕྱིར།། གནས་སྐབས་བདེ་ཙམ་མཐར་ཐུག་འབྲས་བུ་མེད།། དེ་ཡང་རྡོ་རྗེ་སེམས་དཔའ
10b5 ཡིད་ཀྱིས་ཉོན།། བྱང་ཆུབ་སེམས་དཔའི་ཐེག་པ་ཆེན་པོ་ལ།། ཉི་མའི་སྙིང་པོ་མ་མཐོང་ཟེར་མཐོང་བཞིན།། བདག་གཞན་དོན་དུ་ས་ལམ་རིམ་སྦྱངས་པས།། འོག་མ་དག་ལས་ཁྱད་པར་འཕགས་གྱུར་ཀྱང་།། ཡང
10b6 དག་མ་རྟོགས་བག་ཉལ་ཕྲ་ཡོད་ཕྱིར།། ཤེས་བྱའི་སྒྲིབ་པ་ཡོད་པས་ཆོས་སྐུར་བསྒྲིབས།། དེ་ཡང་རྡོ་རྗེ་སེམས་དཔའ་ལེགས་པར་ཉོན།། ཏིང་འཛིན་ཁྱད་པར་འཕེལ་བའི་རིམ་པ་ལས།། ས་ཡི་ངོ་བོ་ངེས་ཚིག་དབྱེ་བ
iiif viewer powered by OpenSeadragon
