| e-texts navigator |
| Wylie |
10a1 པའི་རྒྱུད་ཀྱི་ལྟ་བའི་གཞི།། སྣང་བ་འདི་ཉིད་ཡེ་ནས་སྐྱེ་བ་མེད།། སྐྱེ་མེད་ཉིད་ན་གང་ཡང་ཐམས་ཅད་སྐྱེས།། སྐྱེས་ཙམ་ཉིད་ན་རང་སེམས་ངང་གིས་སྟོང་།། དཔེར་ན་ཆུ་དང་མེ་ལོང་གཟུགས་བརྙན
10a2 བཞིན།། སྣང་དང་སྟོང་པ་དབྱེར་མེད་གདོད་ནས་དག། དེ་ཡང་འཁོར་གྱི་སྙིང་པོ་ལེགས་པར་ཉོན།། ཆགས་གྲོལ་གཉིས་ཀྱི་ལམ་དུ་བསྟན་པ་ཡང་།། ཏིང་འཛིན་རྣམ་གསུམ་ལ་སོགས་དམིགས་བསྒོམ་པ།། གཞི་ལ
10a3 རྩོལ་མེད་ལམ་ལ་རྩོལ་ཡོད་ཕྱིར།། རྟོག་ཚོགས་ལྷར་བསྒྱུར་དོན་དང་འགལ་བར་གསུངས།། དེ་ཕྱིར་ལམ་ནོར་འབྲས་བུ་མི་འབྱུང་བས།། ཡེ་སངས་རྒྱས་སུ་འདོད་པ་ཆོས་སྐུ་བྲལ།། དེ་བས་མ་ཧཱ་ལྟ་བ་ཡུལ་སེམས
10a4 བསྲེས།། ནན་གྱིས་གཉིས་མེད་ལྟ་བ་འབྲས་བུ་མེད།། ད་ཡང་རྡོ་རྗེ་སེམས་དཔའ་ཆེན་པོ་ཉོན།། ཨ་ནུ་ཡོ་ག་སྣང་བ་སྐྱེ་མེད་ལ།། ཀུན་ཏུ་བཟང་མོའི་མཁའ་དབྱིངས་བྷ་གར་བརྟགས།། ཡུལ་ལ་རྣམ་རྟོག་འཛིན་པ
10a5 ཅིར་སྣང་བ།། ཀུན་ཏུ་བཟང་པོའི་རོལ་པ་ཡིན་པར་བརྟགས།། གཉིས་མེད་བདེ་ཆེན་སྲས་དང་རྩལ་དུ་འགྱུར།། དེ་ལ་རང་གིས་རྒྱུན་དུ་མ་ཡེངས་བསྒོམས།། དེ་ཉམས་བདེ་གསལ་རྩལ་ནི་བཏང་མི་བྲ།། ཇི་བཞིན་པ
10a6 ཡི་དོན་གྱི་ཆོས་ཉིད་ལ།། མ་བཅོས་མ་ཡེངས་ཆེད་དུ་བློ་བཞག་གོ།། དེ་དོན་མི་བརྗེད་སྤྱོད་པའི་འབྲས་བུ་ཡང་།། ཆེད་དུ་བྱར་མེད་དང་ངམ་ཤུགས་ལས་གསལ།། དེ་ལ་ཡིད་འཇོག་རྩོལ་བ་ཕྲ་མོ་ཡོད།། དེ་ཕྱིར་ལུང
iiif viewer powered by OpenSeadragon
