| e-texts navigator |
| Wylie |
109b1 དཀྱིལ་དེ།། མི་འགྱུར་ཆོས་དབྱིངས་འཕོ་འགྱུར་མེད།། རྣམ་དག་བསམ་མི་ཁྱབ་པའི་དཀྱིལ་འཁོར་དེ།། རིན་ཆེན་འོད་འབར་གདལ་བའི་དཀྱིལ་འཁོར་དུ།། སྣང་སྲིད་ཐམས་ཅད་མ་བྲིས་དཀྱིལ
109b2 འཁོར་དེར།། སེམས་ཉིད་འགྱུར་བ་མེད་པའི་གཙོ་མཆོག་ལ།། རིག་པའི་རྩལ་མ་འགགས་པའི་འཁོར་གྱིས་བསྐོར།། མ་བསྐྱེད་ཡོངས་སུ་རྫོགས་པའི་ལྷ་ཚོགས་འདི་ལྟར་བཞུགས།། དབུས་ཕྱོགས་ནམ་མཁའི་གདན
109b3 སྟེངས་སུ།། གཏི་མུག་རང་བཞིན་རྣམ་དག་པས།། བསམ་དུ་མེད་ཅིང་བློ་ཡི་ཡུལ་ལས་འདས།། སྐྱེ་མེད་ཆོས་སྐུར་དབུས་ན་བཞུགས།། ཤར་ཕྱོགས་ཉི་ཟླའི་གདན་སྟེངས་སུ།། ཞེ་སྡང་རང་བཞིན་རྣམ་དག་པས།། སྐྱེ
109b4 བ་མེད་ཅིང་འགག་པ་མེད།། ལོངས་སྐུ་རྫོགས་སྐུ་ཤར་ན་བཞུགས།། ལྷོ་ཕྱོགས་ཁྱུང་གི་གདན་སྟེངས་སུ།། ང་རྒྱལ་རང་བཞིན་རྣམ་དག་པས།། དྲན་མེད་ཡིད་ལ་བྱར་མེད་པའི།། མཉམ་ཉིད་རིན་ཆེན་འབྱུང་ལྡན
109b5 བཞུགས།། ནུབ་ཕྱོགས་རྒྱ་མཚོའི་གདན་སྟེངས་སུ།། འདོད་ཆགས་རང་བཞིན་རྣམ་དག་པས།། སྐུ་གསུམ་དབྱེ་རུ་མེད་པ་ཡི།། དབྱེར་མེད་སྣང་བ་མཐའ་ཡས་བཞུགས།། བྱང་ཕྱོགས་རླུང་གི་གདན་སྟེངས་སུ།། སྐུ
109b6 བཞི་བདེ་ཆེན་ཀློང་དུ་རྫོགས།། འོད་གསལ་དོན་ཡོད་གྲུབ་པ་བཞུགས།། བསྐྱེད་ནས་བཞུགས་པ་མ་ཡིན་ཏེ།། རྩོལ་བསྒྲུབ་འདས་དེ་རང་སར་བཞུགས།། རིགས་ལྔ་ཆ་མཐུན་ཁྱད་པར་འཕགས།། དཀྱིལ་འཁོར
iiif viewer powered by OpenSeadragon
