| e-texts navigator |
| Wylie |
109a1 ཁྱབ།། སྙིང་པོ་བསམ་མི་ཁྱབ་པ་དེ།། དབྱེར་མེད་སེམས་ཉིད་ངང་ལ་རྫོགས།། དཀྱིལ་ནི་འགྱུར་བ་མེད་པ་ལ།། འཁོར་ནི་མ་བཅོས་པ་ཡི་དོན།། འགྱུར་མེད་མ་བཅོས་སེམས་ལ་རྫོགས།། དཀྱིལ་ནི
109a2 ཆོས་ཉིད་སྐྱེ་བ་མེད།། འཁོར་ནི་སེམས་ཉིད་འགག་པ་མེད།། སྐྱེ་འགག་མེད་པའི་དཀྱིལ་འཁོར་ཡིན།། སྣང་སྲིད་མ་བཅོས་དཀྱིལ་ཡིན་ལ།། དབྱེ་བསལ་མེད་པའི་འཁོར་ཡིན་ནོ།། དབྱེར་མེད་མ་བཅོས་དཀྱིལ
109a3 འཁོར་ཡིན།། མི་འཁོར་བ་ནི་དཀྱིལ་ཡིན་ལ།། ཁྱབ་གདལ་ཆེན་པོ་འཁོར་ཡིན་ནོ།། མི་འགྱུར་གད་ལ་ཁྱབ་དཀྱིལ་འཁོར་ཡིན།། དཀྱིལ་ནི་གཉིས་མེད་ཆེན་པོ་སྟེ།། འཁོར་ནི་རྩིས་གདབ་མེད་པ་ཡིན།། རྩིས་གདབ
109a4 གཉིས་མེད་དཀྱིལ་འཁོར་ཡིན།། མི་འགྱུར་དབྱིངས་ཀྱི་དཀྱིལ་འཁོར་གྱི།། ངེས་ཚིག་ཆེན་པོ་རྒྱས་པར་བཤད།། ཅེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད
109a5 ལས། དཀྱིལ་འཁོར་གྱི་ངེས་ཚིག་བསྟན་པའི་ལེའུ་སྟེ་ཉི་ཤུ་པའོ།། །། དེ་ནས་སྟོན་པ་ཀུན་བཟང་ལ།། རྡོ་རྗེ་སེམས་དཔས་འདི་སྐད་གསོལ།། དཀྱིལ་འཁོར་ལྷ་ཡི་གྲངས་དགོད་ཕྱོགས།། འདུས་པའི
109a6 ཚོགས་ལ་བཤད་དུ་གསོལ།། ཞེས་གསོལ་པ་དང་། ཀུན་ཏུ་བཟང་པོ་འོད་ཡོངས་ལ་ཁྱབ་པའི་ཏིང་ངེ་འཛིན་ལ་བཞུགས་སོ།། བཞེངས་ནས་འཁོར་ལ་འདི་སྐད་གསུངས།། ཀུན་གཞི་མཁའ་དབྱིངས་མ་བཅོས་ཀློང
iiif viewer powered by OpenSeadragon
