| e-texts navigator |
| Wylie |
107b1 འཁོར་བཤད།། འཁོར་རྣམས་མ་ཡེངས་གུས་པས་ཉོན།། སྙིང་པོའི་རང་བཞིན་འགྱུར་བ་མེད་པ་ཡང་།། ཀུན་གཞི་ཀློང་ཡངས་གད་ལ་ཁྱབ་ཆེན་པོ་ལ།། ཆོས་ཉིད་བྱང་ཆུབ་སེམས་ཀྱི་དཀྱིལ་འཁོར་བྲིས།། དཀྱིལ
107b2 འཁོར་ཆེན་པོ་བཞེངས་ལུགས་ཀྱང་།། ཆོས་ཉིད་གད་ལ་ཁྱབ་ས་གཞི་ལ།། ལུང་རིགས་གཉིས་ཀྱིས་ས་བརྟགས་ལ།། ཤེས་རབ་གསུམ་གྱིས་ས་བླང་ལ།། དད་པའི་འཇོར་གྱིས་ས་བསྐོས་ཏེ།། དམ་ཚིག་ཕད་ཚེར་ས
107b3 བླུགས་ནས།། ཕྱོགས་རིས་ཞེན་ཆགས་སངས་པའི་གནས་ཕྱོགས་སུ།། ཀུན་གཞི་ཆོས་ཉིད་གནས་དག་ཏུ།། ཆོས་དབྱིངས་དག་པའི་མཆོད་ཁང་དུ།། དམ་ཚིག་ཕད་ཆེའི་ས་བླུགས་ནས།། གད་ལ་ཁྱབ་ཆེན་པོར་འཁོད
107b4 སྙོམས་ཏེ།། རྣམ་རྟོག་བློ་ཡི་རྡུལ་བསལ་ནས།། བྱང་ཆུབ་ཆུ་ཡིས་ཆག་ཆག་གདབ།། མཉམ་པ་ཉིད་ཀྱི་ཕྱི་ལ་ཕྱིལ་བྱས།། མི་འགྱུར་དབྱིངས་ཀྱི་ཐིག་ཅིག་གདབ།། ཡེ་ཤེས་ལྔ་པོའི་ས་ཚོན་བཀྱེ།། སྙིང་པོ་འགྱུར་བ་མེད
107b5 པའི་དབུས་སུ་ཟླུམ་པོར་བྱ།། རྣམ་ཤེས་ཚོགས་བརྒྱད་འཆར་བས་པདྨ་འདབ་བརྒྱད་བྱ།། ཡེ་ཤེས་ལྔ་ཡི་རྟགས་སུ་ཕྱོགས་བཞི་དབུས་དང་ལྔ།། ཚད་མེད་བཞི་ཡི་རྟགས་སུ་གྲུ་ཆད་བཞི།། གཏན་ཚིགས་བཞི་ཡི་རྟགས
107b6 སུ་སྒོ་བཞིར་བཏོད།། རིག་པ་བཞི་ཡི་རྟགས་སུ་ཟུར་བཞིའོ།། དཀར་དང་སེར་དང་དམར་དང་སྔོ།། ནག་པོ་ཡང་ནི་རྣམ་ལྔ་ཡང་།། གསལ་དང་མི་གཡོ་རྒྱ་མ་ཆད།། མི་འགྱུར་བརྟན་དང་ལྔ་ཡི་རྟགས།། རིན་ཆེན་ལྔ
iiif viewer powered by OpenSeadragon
