| e-texts navigator |
| Wylie |
106b1 ཁྱུང་དང་གསུམ།། ལྟ་བ་མཚོན་པའི་དཔེ་རུ་གསུངས།། མེ་ལོང་འཇའ་ཚོན་སྒྲོན་མེ་གསུམ།། སྒོམ་པ་མཚོན་པའི་དཔེ་རུ་གསུངས།། བུང་བ་གླང་ཆེན་སྨྱོན་པ་གསུམ།། སྤྱོད་པ་མཚོན་པའི་དཔེ་རུ་གསུངས།། སེང
106b2 གེ་ཐོག་དང་རྦབ་དང་གསུམ།། ཕྲིན་ལས་མཚོན་པའི་དཔེ་རུ་གསུངས།། ན་ཆུང་ཆུ་བུར་སྟི་རྡོལ་གསུམ།། ཉམས་ཀྱི་དཔེ་རུ་ཤེས་པར་བྱ།། ལྷ་ཁང་ནང་གི་ལྷ་ཚོགས་དང་།། བུམ་པ་ནང་གི་མར་མེ་དང་།། མེ་ལོང་ནང
106b3 གི་གཟུགས་བརྙན་གསུམ།། སེམས་ཉིད་སྣང་གསལ་དཔེ་རུ་བསྟན།། སྟག་ལྤགས་གཟིག་ལྤགས་རྨ་བྱའི་མདོངས།། སེམས་ཉིད་མི་གསལ་དཔེ་རུ་བསྟན།། ཤེལ་སྒོང་གཟི་རྙིང་ཆུ་དང་གསུམ།། ཕྱི་ནང་གཉིས་མེད
106b4 དཔེ་རུ་བསྟན།། སོལ་ནག་བལ་ནག་དར་ནག་གསུམ།། འགྱུར་བ་མེད་པའི་དཔེ་རུ་བསྟན།། རླུང་དང་སྤྲིན་དང་སྨུག་པ་གསུམ།། མ་ཆགས་མ་ཞེན་བྱར་མེད་དང་།། གཟུང་འཛིན་མེད་པའི་དཔེ་རུ་བསྟན།། མེ་ཏོག།
106b5 ལོ་ཏོག་རྩཝ་ཡི་ཟིལ།། མི་རྟག་པ་ཡི་དཔེ་རུ་བསྟན།། ཆུ་དང་རྙོག་མ་འདྲེས་པ་དང་།། ཆུ་ལ་ཆུ་རླབས་ཐིམ་པ་དང་།། འཇའ་ཚོན་མཁའ་ལ་ཐིམ་པ་གསུམ།། དབྱེར་མེད་དཔེ་རུ་ཤེས་པར་བྱ།། དུག་ལ་སྔགས
106b6 ཀྱིས་ཐེབས་པ་དང་།། ཡུར་ཆུས་རྒྱ་མཚོར་སླེབས་པ་དང་།། ལན་ཚྭ་ཆུ་ལ་ཐིམ་པ་གསུམ།། ཕྱིར་མི་ལྡོག་པའི་དཔེ་རུ་བསྟན།། པདྨ་རྨ་བྱ་དུག་དང་གསུམ།། དམ་ཚིག་མཚོན་དཔེར་ཤེས་པར་བྱ།། ཟླ་བ་འོད་དང
iiif viewer powered by OpenSeadragon
