| e-texts navigator |
| Wylie |
106a1 ནས་སྟོན་པ་ཀུན་བཟང་དེས།། རིན་པོ་ཆེ་གསལ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ལས་བཞེངས་ནས་འདི་སྐད་གསུངས།། འཁོར་རྣམས་མ་གཡེངས་གུས་པས་ཉོན།། སྙིང་པོ་དོན་གྱི
106a2 གནས་ལུགས་དེ།། མཚོན་པའི་ཡུལ་དུ་མ་གྱུར་ཀྱང་།། རེ་ཞིག་དཔེ་ཡི་སྒོ་ནས་མཚོན།། དར་ཆགས་བང་མཛོད་ས་གཞི་གསུམ།། ཀུན་གཞིའི་མཚོན་དཔེར་ཤེས་པར་བྱ།། ཆུ་དང་འཁྱགས་པ་ཏིལ་བྲུ་གསུམ།། གནས
106a3 ལུགས་མཚོན་པའི་དཔེ་རུ་གསུངས།། ཕུག་རོན་སྐྱེ་དང་ཤེལ་སྒོང་ག་བུར་གསུམ།། སྣང་ཚུལ་མཚོན་པའི་དཔེ་རུ་གསུངས།། ཐོ་ཡོར་ཟག་པ་སྨིག་རྒྱུ་གསུམ།། འཁྲུལ་པ་མཚོན་པའི་དཔེ་རུ་གསུངས།། ཉི་ཟེར་སྤུ་གྲི
106a4 ཤེལ་བརྒྱུས་གསུམ།། རྩལ་སྣང་འབྲེལ་ཡོད་མཚོན་དཔེར་གསུངས།། ཙནྡན་གླ་རྩི་སྒོག་པ་གསུམ།། ཤུགས་འབྱུང་འགག་མེད་དཔེ་རུ་གསུངས།། རལ་གྲི་སྤུ་གྲི་གཟོང་དང་གསུམ།། ཤེས་རབ་མཚོན་པའི་དཔེ་རུ
106a5 གསུངས།། བྱིས་པ་ཟླ་མཛུབ་འོ་མ་གསུམ།། གདམས་ངག་མཚོན་པའི་དཔེ་རུ་གསུངས།། ནམ་ལངས་མིག་དང་ཉི་མ་གསུམ།། རྟོགས་པ་མཚོན་པའི་དཔེ་རུ་གསུངས།། སྤྲིན་དང་ལིང་ཏོག་མུན་པ་གསུམ།། སྒྲིབ
106a6 གཡོག་མཚོན་པའི་དཔེ་རུ་གསུངས།། ལམ་ནོར་བྱ་མིག་འགྲོ་རྗེས་གསུམ།། གོལ་ས་མཚོན་པའི་དཔེ་རུ་གསུངས།། ཚེར་མ་མདུང་རྩེ་མདེ་ལ་རྩེ་གསུམ།། རིག་པ་མཚོན་པའི་དཔེ་རུ་གསུངས།། བྱ་རྒོད་ནམ་མཁའ
iiif viewer powered by OpenSeadragon
