| e-texts navigator |
| Wylie |
105b1 ཏུ་བདུད་རྩི་ཟངས་གང་སྐོལ།། རྒན་པོ་རྒན་མོ་བུ་ཚ་མིང་སྲིང་གསུམ།། དམག་དཔོན་གསུམ་གྱིས་སྣ་དྲངས་པའི།། ཉི་མ་ནུབ་པའི་གྲིབ་སོ་ཙམ་འོང་གིས།། དེ་རྣམས་བྱུང་བར་གྱུར་པ་ལ།། ཟངས་སུ་བསྐོལ་བའི་དུག
105b2 ཆུ་ལུད་ལ།། དགྲ་དཔུང་ཆོམས་ལ་དགྲ་རྣམས་སོད།། དེ་མ་སོད་ན་གཏོ་ཆོས་སུ།། གངས་ཀྱི་རྩེ་མོར་སེང་གེ་ཞོན།། ནམ་མཁའི་ངང་དུ་མདུང་བསྐོར་གྱིས།། རི་རྒྱལ་ལྷུན་པོའི་ཁར་མེ་ཆེན་སྤོར།། རྒྱ་མཚོའི་ནང་དུ་མེ
105b3 ཆེན་སྤོར།། མུན་པའི་ནང་དུ་ཉི་ཟླ་ཐོགས།། རླུང་པོའི་གསེབ་ཏུ་རལ་གྲི་ཐོགས།། བདུད་རྩིའི་བཅུད་འཐུངས་སྤང་ལ་གསེར་ཕུར་ཐོབ།། གངས་ལ་ཉི་མ་ཤར་དུ་ཆུག། འོན་ཀྱང་ཟངས་སུ་བསྐོལ་བའི་དུག་ཆུ
105b4 ཡིས།། དགྲ་ཡིས་དཔུང་རྣམས་བཅོམ་གྱུར་ནས།། དགྲ་ཡི་དཔུང་རྣམས་རྩད་ཆོད་སོང་།། གཉེན་སྲིད་མ་གཏོགས་དགྲ་ནི་གཅིག་ཀྱང་མེད།། སྲིད་སྡེ་ཚོགས་པར་གྱུར་བ་ལ།། ཟངས་ཀྱི་བདུད་རྩི་སྨན་ལུད་ལ།། འོན
105b5 ཏང་ཐམས་ཅད་བདེ་བ་ཆེན་པོར་སངས་རྒྱས་སོ།། སྡུག་བསྔལ་ཀུན་གྲོལ་སངས་རྒྱས་ཆོས་སྐུ་ཐོབ།། ཀུན་ཀྱང་དབྱེ་བསལ་རྩིས་གདབ་མེད།། བདག་གཞན་གཉིས་མེད་དབྱེ་བསལ་རྩིས་གདབ་མེད།། ཅེས་གསུངས
105b6 སོ།། རང་སེམས་བརྡ་རུ་བཀོད་པའི་ལེའུ་སྟེ་བཅོ་བརྒྱད་པའོ།། །། དེ་ནས་སྟོན་པ་ཀུན་བཟང་ལ།། རྡོ་རྗེ་སེམས་དཔས་འདི་སྐད་ཞུས།། ཆོས་རྣམས་དཔེ་ཡིས་ཇི་ལྟར་མཚོན།། ཞེས་གསོལ་བ་དང་།། དེ།
iiif viewer powered by OpenSeadragon
