| e-texts navigator |
| Wylie |
104a1 ཆོད།། དཔའ་བོ་ཆེན་པོ་ལམ་ལ་མཁས།། དཔའ་བོ་ཆེན་པོ་མངོན་ཤེས་ཅན།། དཔའ་བོ་ཆེན་པོ་མཐུ་བོ་ཆེ།། དཔའ་བོ་བཞི་དང་དམག་དཔོན་བཞི།། དེ་ཡིས་སྣ་གྲངས་བསམ་ལས་འདས།། འཁོར
104a2 འདས་གཉིས་ཀྱི་འཁྲུག་པ་བྱེད།། མ་རིག་ཡེ་ཤེས་འཁྲུག་པ་བྱེད།། སེམས་ཅན་སངས་རྒྱས་འཁྲུག་པ་བྱེད།། ཀུན་གཞིའི་སྟོང་ར་ཆེན་པོ་ན།། སེམས་ཀྱི་ནོར་བུ་རིན་ཆེན་འབར།། མ་འཚམས་འཁྲུག་པ་ཆེན་པོ
104a3 བྱུང་།། ཉོན་མོངས་འཁོར་བའི་དམག་དཔུང་ལ།། རང་དངས་དཔའ་བོས་མདའ་ཞིག་འཕེན།། སྟོང་ཉིད་གཞུ་མོ་ལྕོག་གིས་བརྡུངས།། བདེ་བ་ཆེན་པོའི་མདའ་སྟོང་དེ།། ལུང་རིགས་གཉིས་ལ་མདའ་སྟོང་སྦྱར།། སྟོང
104a4 པ་ཉིད་དུ་མདེལ་གྱིས་བཀང་།། ཉོན་མོངས་དམག་ལ་མདའ་གཅིག་བརྡེག། ང་བདག་གཉིས་ལ་གཟིར་གཟིར་ནས།། འགོང་པོ་ངར་འཛིན་སྙིང་ལ་བརྒྱ་པ།། ང་རྒྱལ་ང་བདག་ལྷན་གྱིས་ཤི།། ངང་དངས་ཆེན་པོའི
104a5 མདའ་འཕངས་པས།། མ་རིག་གཏི་མུག་སྙིང་ལ་བརྒྱབ།། ཡེ་ཤེས་གསལ་བའི་ཀློང་དུ་ཤི།། མུན་པ་མི་གསལ་སྒྲིབ་པ་བརླག། རང་དངས་ཆེན་པོའི་མདའ་འཕངས་པས།། གཟུང་འཛིན་སྦྲང་ལེན་སྙིང་ལ
104a6 བརྒྱ་པ།། དགག་བསྒྲུབ་མེད་པའི་ངང་དུ་ཤི།། གསལ་དངས་ཆེན་པོའི་མདའ་འཕངས་པས།། ང་བདག་ཕྱོགས་རིས་སྙིང་ལ་བརྒྱ་པ།། དབྱེ་བསལ་མེད་པའི་ངང་དུ་ཤི།། གཏིང་གསལ་ཆེན་པོའི་མདའ་འཕངས
iiif viewer powered by OpenSeadragon
