| e-texts navigator |
| Wylie |
103a1 གུས་པས་ཉོན།། རི་བསྙིལ་མེ་སོད་བྲག་ཆོ་ག་ལ།། མཚོ་སྐོམས་མདུད་ཁྲོལ་ཕྱགས་མས་ཐོབ།། རྒན་རྒོན་སོད་ལ་བུ་ཕྲུག་སྤོས།། ཆོ་གང་སོད་རལ་གྲི་ཐོགས།། ཕག་སྦྲུལ་བྱ་དང་ཁྱི་སོད་ལ།། ནམ
103a2 མཁའི་དབྱིངས་སུ་སྤོས་ལ་ཞོག། ཁྱུང་ལ་ཞོན་ནས་སེང་གེ་ཁྲིད། ནམ་མཁའ་གོས་སུ་གོན། ས་གཞི་སྟན་དུ་ཐིང་། སྣང་སྲིད་ཁ་རུ་ཆུག་ལ་རྒྱ་མཚོ་ཁྲོགས་ཆོད་གྱིས། མཁའ་ལ་ལྟོས་ལ་སྤྲིན་ལ་ཚུགས། མཚོ་གཏིང
103a3 ཉོལ་ལ་ཉི་ཟླ་མིག་ཏུ་ཆུག། རླུང་པོ་སྟོད་ལ་ནོན་ལ་རྨིག་རྒྱུ་དབྱིངས་སུ་སྒྲོལ།། སྤྲེའུ་སོད་ལ་ནམ་མཁར་སྡོད།། རིག་པའི་ཁྱེའུ་ཆུང་ནམ་མཁར་ཕྱིན།། འགྲོ་ས་མ་རྙེད་ཡི་མུག་ནས།། ནམ་མཁའི་དབྱིངས་སུ་ངལ
103a4 ཅིག་སོས།། ཉི་ཟླའི་དབྱིངས་སུ་ཤུལ་བཏོད་ལ།། འཇའ་ཚོན་ལྔ་ཡི་ལམ་དུ་ཞུགས།། རྒྱ་མཚོ་ཆེན་པོའི་གཏིང་དུ་ཕྱིན།། འགྲོ་ས་མ་རྙེད་ལྕིབས་ནས་བཏང་།། མུན་སྣང་གཉིས་སུ་གསལ་བའི་སྒོ་ཕྱེ་ལ།། དགྲ་ཟིན
103a5 གཉིས་ཀྱི་ས་མཚམས་སུ།། མི་འཇིགས་པ་ཡི་སྐྱེལ་མ་ཚོལ།། རྣོ་བའི་མཚོན་ཐོགས་སྲ་བའི་གོ་གོན་ལ།། མགྱོགས་པའི་རྟ་ཞོན་མི་བསྐུའི་གྲོགས་པོ་ཚོལ།། འཕྲང་གསུམ་ནང་དུ་སྐྲག་བཅུག་ལ།། དགྲ་ངོས་ཟུང་ལ
103a6 དགྲ་རྣམས་སོད།། གནད་གསུམ་ནང་དུ་གཙིགས་ལ་དབབ།། རྒྱལ་པོ་བཙོན་དུ་ཟིན་པ་དང་།། དགྲ་ཡི་བུ་རྣམས་བསད་པ་ཡིས།། རྒྱལ་ཁམས་ཆམ་ལ་འབབ་པ་ཡིན།། འཁོར་འདས་གཉིས་ཀྱི་འཁྲུག་པ
iiif viewer powered by OpenSeadragon
