| e-texts navigator |
| Wylie |
102b1 སུ་ཉི་མ་ཐོགས། གཡོན་དུ་ཟླ་བ་ཐོགས། སྤྲིན་གྱི་ལྷམ་གྱིས། འབྱུང་བ་ལྔ་གོས་གྱིས། སྣང་བ་ཟས་སུ་ཟོ། སྲིད་པ་ལྟོ་རུ་ཆུག་འཇའ་ཚོན་གྱི་རྒྱལ་མཚན་གྱིས། གཅིག་སོད། གཉིས་སྤོངས། གསུམ་རྟེན། གཅིག་ཡུལ
102b2 ཕྱུང་། གསུམ་སྙིང་ནས་དྲོངས། གཉིས་ཀྱི་སྐེ་ཆོད། གཅིག་ཡུལ་འཛིན་དུ་ཆུག། གསུམ་གྱི་དགྲ་དཔུང་ཆོམས། གཉིས་རོག་བྱེད་དུ་ཆུག། ལོང་བའི་མིག་ལ་ཉི་མ་ཁོ་བ། མེ་ཆེན་འབར་བ་ཆུ་ཡིས་སོད། མཚོ་ཆེན་ཁོལ
102b3 མ་མེ་ཡིས་སོད། ཀུན་གཞི་ལྕགས་སུ་ཆུག་ཡིད་ལ་མདས་རྒྱོབ། ཕུང་མཁན་ངོས་ཟུང་། ལྔ་པོ་ཁྱེར།། གཅིག་པོ་སོད། ཐོག་མཐའ་གཉིས་ཀྱི་དྲང་ཐག་ཆོད།། དགྲ་དཔུང་ཚོམས་ལ་རྫོངས་སུ་ཞུགས།། གནད་མཁར
102b4 བསྲུང་ལ་ཟམ་འཕྲང་སྡོམས།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། བརྡའི་ལེའུ་སྟེ་བཅུ་དྲུག་པའོ།། །། དེ་ནས་སྟོན་པ་ཀུན་བཟང
102b5 ལ།། རྡོ་རྗེ་སེམས་དཔས་འདི་སྐད་ཞུས།། ཐེག་པ་གཞན་ལ་མེད་པའི་སྤྱི་ཏིའི་བརྡ་ཆོས་ཅི་ལྟར་ལགས།། ཞེས་གསོལ་པ་དང་།། དེ་ནས་སེམས་ཉིད་ཀུན་བཟང་དེ། རིན་པོ་ཆེ་འོད་བཀོལ་བ་མེད་པའི་ཏིང་ངེ་འཛིན་ལ
102b6 བཞུགས་སོ།། དེ་ནས་ཏིང་ངེ་འཛིན་དེ་ལས་བཞེངས་ནས། འདི་སྐད་ཅེས་གསུངས་སོ།། ང་ཡི་བརྡ་ཆོས་འདི་ལྟ་བུ།། ཐེག་པ་གཞན་ལ་མི་འབྱུང་བས།། བརྡ་ཡི་ཆོས་རྣམས་ང་ཡིས་བཤད།། འཁོར་རྣམས་མ་ཡེངས
iiif viewer powered by OpenSeadragon
