| e-texts navigator |
| Wylie |
102a1 ཡིད་ལ་མ་བྱས་གཏིང་གསལ་ཆེན་པོ་ཡིན།། སྐུ་གསུམ་ཡིད་ལ་མ་བྱས་གཏིང་གསལ་ཆེན་པོ་ཡིན།། དུག་གསུམ་རྩད་ནས་གཅོད་པའི་གཏིང་གསལ་ཆེན་པོ་ཡིན།། སྟོང་པ་ཡིད་ལ་མི་བྱེད་གཏིང
102a2 གསལ་ཆེན་པོ་ཡིན།། བདེ་བ་ཡིད་ལ་མི་བྱེད་གཏིང་གསལ་ཆེན་པོ་ཡིན།། སྐྱེ་མེད་ཡིད་ལ་མི་བྱེད་གཏིང་གསལ་ཆེན་པོ་ཡིན།། དེ་ལ་སོགས་པ་ཐམས་ཅད་གཏིང་གསལ་ཆེན་པོ་ཡིན།། སྣང་སྲིད་ཁ་སྦྱོར་བདུད
102a3 རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས་བདུད་རྩི་བཅུད་ཀྱི་སྒྲོན་གསལ་གྱི་ལེའུ་སྟེ་བཅོ་ལྔ་པའོ།། ། དེ་ནས་ཀུན་ཏུ་བཟང་པོ་དེས།། རིན་པོ་ཆེ་བརྡའི་ཏིང་ངེ་འཛིན་ལ
102a4 སྙོམས་པར་ཞུགས་སོ།། དེ་ནས་རྡོ་རྗེ་སེམས་དཔའ་ཡིས།། སྟོན་པ་ཀུན་ཏུ་བཟང་པོ་ལ།། ཆོས་རྣམས་བརྡ་ཡིས་ཇི་ལྟར་བཤད།། ཅེས་གསོལ་པ་དང་། སྡུད་པ་སེམས་དཔའ་རྡོ་རྗེ་ལ།། ཀུན་ཏུ་བཟང་པོས་ཏིང་ངེ
102a5 འཛིན་ལས་བཞེངས་ཏེ། དེ་ནས་འཁོར་ལ་འདི་སྐད་གསུངས།། ཨཱ་ཨཱ་འགས་ཡ།། མ་ཧཱ་སུ་ཁ་ཧོ།། སྠི་ཏི་བརྡ་ཡི་ལེའུ་བཤད།། རྡོ་རྗེ་སེམས་དཔས་ཡིད་ལ་ཟུང་།། ནམ་མཁར་བྲོ་བརྡུངས། རི་ཁར་བསོས་རྡེབ།
102a6 གངས་ཁར་མདུང་ཚུགས། མཁར་ཁར་དར་ཕྱོར། རྒྱ་མཚོར་ཁྱིམ་གྱིས། ནམ་མཁས་ཡུལ་གྱིས། དབུས་ཀྱི་རི་བོས་མཁར་གྱིས། བར་སྣང་ལུས་ལ་གོན། ན་བུན་མགོ་ལ་གོན།། སྐར་མདའ་སྐེད་ལ་ཆིངས། གཡས
iiif viewer powered by OpenSeadragon
