| e-texts navigator |
| Wylie |
100a1 པའི་འཁྲུལ་པ་ཡང་།། ཡིད་རྩད་ཆོད་པའི་འཁྲུལ་དུ་མེད།། འགྲོ་སྒོམ་ནོར་ཡང་དག་ལ།། ངེས་པའི་དོན་མཐོང་ཡང་དག་ལམ།། ཟག་ཚོད་གདོང་ལྡན་རེ་དོགས་བྲལ།། སྙིང་པོའི་དོན་རྟོགས་གོལ་སྒྲིབ
100a2 མེད།། མཉམ་པའི་དོན་རྟོགས་འཁྲུལ་པ་མེད།། གཉིས་མེད་དོན་རྟོགས་ཕྱོགས་རིས་མེད།། དབྱེར་མེད་དོན་རྟོགས་གཟུང་འཛིན་མེད།། ཡེ་ཤེས་དོན་རྟོགས་མ་རིག་མེད།། སྐུ་གསུམ་དོན་རྟོགས་དུག་གསུམ
100a3 སྐུ་ལྔའི་དོན་རྟོགས་དུག་ལྔ་མེད།། སངས་རྒྱས་དོན་རྟོགས་སེམས་ཅན་མེད།། མྱང་འདས་དོན་རྟོགས་འཁོར་བ་མེད།། ཐག་ཆོད་དོན་རྟོགས་ཡུལ་སེམས་མེད།། རྟོགས་པ་ཀློང་ནས་ཤར་བས་མ་རྟོགས
100a4 མེད།། ཅེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཟིགས། འཁོར་བ་ཐོག་མཐའ་གཅོད་པའི་རྒྱུད་ལས། གོལ་སྒྲིབ་ལ་བཟླ་བའི་ལེའུ་སྟེ་བཅུ་གཉིས་པའོ།། །། དེ་ནས་སྟོན་པ་ཀུན་བཟང་ལ།། རྡོ་རྗེ
100a5 སེམས་དཔས་འདི་སྐད་ཞུས།། རང་ལ་ཡེ་ནས་ཡོད་པ་ལ།། བྱ་བཙལ་རྩོལ་བསྒྲུབ་མི་འཚལ་ལམ།། ཞེས་གསོལ་པ་དང་། སེམས་ཉིད་ཀུན་ཏུ་བཟང་པོ་དེ། རིན་པོ་ཆེ་འོད་ལྔའི་ནང་ན་གསལ་བའི་ཏིང་ངེ་འཛིན་ལ
100a6 བཞུགས་སོ།། དེ་ལས་བཞེངས་ནས་འདི་སྐད་གསུངས།། རང་ལ་ཡེ་ནས་ཡོད་པ་ལ།། རྩོལ་བསྒྲུབ་བྱ་བཙལ་མི་འཚལ་ཏེ།། ང་ཡིས་རེ་མེད་རང་གནས་བཤད།། རྡོ་རྗེ་སེམས་དཔས་ཡིད་ལ་ཟུང་།། ངང་དངས་ལྟ་བ
iiif viewer powered by OpenSeadragon
