| e-texts navigator |
| Wylie |
9b1 འཛམ་གླིང་དད་ལྡན་གྱི།། མ་རིག་མུན་པ་བདག་གིས་བསལ།། བདེ་གཤེགས་རྣམས་ཀྱིས་བྱིན་གྱིས་བརླབས།། དེ་སྐད་ཅེས་ནི་གསུངས་པ་དང་།། རིག་འཛིན་ཆེན་པོ་ལྷ་དབང་དེ།། ཤིན་ཏུ་ཐུགས་ནི་དགྱེས་གྱུར
9b2 ཏེ།། ལྷ་དབང་གིས་ནི་ཞལ་བཞེས་པ།། ངེས་པའི་དོན་ལྡན་སློབ་མ་ལ།། ངེས་དོན་གསང་བའི་རྒྱུད་ཆེན་འདི།། མ་བཅོས་མ་བསླད་འཆད་ནུས་ན།། བདེ་གཤེགས་འཁོར་གྱིས་བྱིན་གྱིས་བརླབས།། དེ་སྐད་ཞལ
9b3 བཞེས་དམ་བཅས་ནས།། དེ་ཡང་འདུས་པའི་སྙིང་པོ་ཉོན།། དེ་ནས་ལྷ་ཡི་བུ་ཡིས་བསམས་པ་ལ།། མི་ལ་མངོན་ཤེས་རྫུ་འཕྲུལ་མེད།། དེ་ཕྱིར་ངེས་པའི་སྣོད་ལྡན་ལ།། འཛམ་གླིང་མི་ལ་བཤད་དགོངས་ནས།། སྤྲུལ
9b4 པ་སྐྱེ་བའི་རྟེན་བཙལ་བ།། རིགས་བཟང་རིགས་ངན་བུད་མེད་དེ།། གནོད་སྦྱིན་ཀུན་གསོས་བྱང་ཆུབ་མ།། དེ་ཡི་བུར་སྐྱེས་ཐུགས་དགོངས་ནས།། བྱ་ནི་ངང་པ་གསེར་ལུས་ཅན།། དངུལ་གྱི་གཤོག་པ་ལྕགས་སྔར
9b5 ཅན།། གཡུ་ཡི་སྨིན་མ་རྡོ་རྗེའི་མཆུ།། རིན་ཆེན་མིག་ཅན་གཅིག་ཏུ་སྤྲུལ།། ནམ་ལངས་ཉི་མ་ཤར་མཚམས་སུ།། ཉི་ཟེར་ལ་ནི་བྱ་བྱུང་ནས།། བྱང་ཆུབ་སྙིང་གར་མཆུ་གཏུགས་ནས།། སྙིང་གར་ཐིམ་ནས་ཞག་གསུམ
9b6 ནས།། ཁྱེའུ་ཆུང་རྒྱག་ཤིང་རྡོ་རྗེ་ཅན།། ཙར་གྱིས་སྐྱེས་ནས་འདི་སྐད་སྨྲས།། ཆོས་ཀུན་བྱང་ཆུབ་ཡེ་ཤེས་ཡིན།། འཁོར་བ་མ་རིག་ཡེ་ནས་མིན།། རྒྱུ་རྐྱེན་མ་བསྐྱེད་ངོ་བོ་ཉིད།། རང་གི་རིག་པ་ཆོས་སྐུ་ཡིན།། དེ་ལྟར
iiif viewer powered by OpenSeadragon
