| e-texts navigator |
| Wylie |
9a1 ཞུ་བ་ཞུས་ཕྱིར་ངེས་པ་རྙེད།། དེ་ཕྱིར་ཡེ་ཤེས་མངོན་དུ་གྱུར།། དེ་ནས་རིག་འཛིན་སེམས་དག་དེ།། སྔོན་གྱི་གནས་ནི་རྗེས་དྲན་ནས།། སུམ་ཅུ་རྩ་གསུམ་ཤར་ཕྱོགས་ཀྱི།། རིན་ཆེན་མངོན་དགའ་ཕུག
9a2 ཏུ་ཕྱིན།། ནང་དུ་འབྲལ་མེད་མཉམ་བཞག་པས།། སེམས་ཅན་ཀུན་གྱི་དོན་ཆེད་དུ།། ལྷ་དབང་བརྒྱ་བྱིན་དྲུང་བྱོན་ནས།། ལྷ་ཡི་བུ་ལ་འདི་སྐད་བསྐུལ།། ཁྱོད་ནི་ཤཱཀ་ཐུབ་སྤྲུལ་པ་སྟེ།། འཇིག་རྟེན་གསུམ་ན་འགྲན
9a3 ཟླ་མེད།། སངས་རྒྱས་ཆོས་ཀུན་ཐུགས་ལ་རྫོགས།། འདོད་ཁམས་འཛམ་གླིང་སྣོད་ལྡན་ལ།། བསྟན་པ་ཙམ་གྱིས་རྟོགས་པའི་ཆོས།། སྡེབ་སྦྱོར་ལེགས་པའི་ཚིག་ཏུ་གསུངས།། དེ་སྐད་ཅེས་ནི་བསྐུལ་བ་དང་།། ལྷ
9a4 དབང་ལ་ནི་ལན་གསོལ་པ།། ངེས་དོན་གསང་བའི་རྒྱུད་ཆེན་འདི།། རང་གི་སེམས་ལ་གསལ་བ་ལས།། ཚིག་གི་ཐོག་ཏུ་མི་ཕེབས་པས།། བདག་གིས་བགྲོ་བ་ཤིན་ཏུ་དཀའ།། དེ་སྐད་ཅེས་ནི་སྨྲས་པ་དང་།། དེ་ཡིས
9a5 དགོངས་པའི་དོན་གོ་ནས།། ལྷ་དབང་གིས་ནི་དོན་ཞུས་པ།། ཕྱི་རབས་དད་ལྡན་དོན་ཆེད་དུ།། ཡང་དག་ངེས་དོན་དགོངས་པ་དེ།། མ་རྟོགས་པ་ལ་ཚིག་སྒོ་ནས།། མཚོན་ནས་རྟོགས་པར་བྱ་བའི་ཕྱིར།། ཅི་རིགས་པ
9a6 ནི་ཁྱོད་ཀྱིས་བགྲོས།། དེ་སྐད་ཅེས་ནི་ཞུས་པ་དང་།། རིག་འཛིན་ཀུན་གྱི་དོན་ཆེད་དུ།། རིག་འཛིན་ཀུན་དགས་ཐུགས་གསན་ནས།། སྐུ་དྲིན་ཆེ་བར་ལན་བཏབ་པ།། ལྷ་དབང་བཀའ་གཉེན་དྲིན་ཆེ་བས།། མི་ཡུལ
iiif viewer powered by OpenSeadragon
