| e-texts navigator |
| Wylie |
99b1 འདྲ་བ་ལས་ནི་གོལ་བ་གང་།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པས་དོན་གསན་ནས།། འདུས་པའི་འཁོར་ལ་བཀའ་སྩལ་པ།། དཔེར་ན་ཉི་མའི་སྙིང་པོ་ལ།། གཞན་གྱིས་མ་བྱས་རང་གསལ་བ།།
99b2 ཐམས་ཅད་ཡེ་ཤེས་ཆོས་སྐུར་གསལ།། མ་རིག་མུན་པ་གདོད་ནས་སངས།། དེ་ཡང་རྡོ་རྗེ་སེམས་དཔའ་ཉོན།། དཔེར་ན་རྒྱལ་པོ་མཐོང་བའི་ཚེ།། གཉེན་ཞིང་གུས་པར་བློ་སྐྱེ་བཞིན།། ཆོས་ཉིད་དྲན་པར་རྟོག་པ
99b3 མེད།། རིག་པ་རྒྱུན་ཆགས་དག་ཏུ་གནས།། ད་ཡང་འདུས་པའི་སྙིང་པོ་ཉོན།། དཔེར་ན་ནམ་མཁའ་སྤྲིན་མེད་བཞིན།། རང་བྱུང་རང་རིག་གནོད་མེད་ལྟར།། རྣམ་རྟོག་རང་གྲོལ་འཛིན་མེད་བཞིན།། ཡེ་ཤེས་ངོ་བོ
99b4 ཆོས་སྐུར་གསལ།། ད་ཡང་འཁོར་གྱི་སྙིང་པོ་ཉོན།། དཔེར་ན་དགུན་ཟླ་འབྲིང་པོ་ལ།། སྤང་ལ་མེ་མཆེད་ཇི་བཞིན་དུ།། ཅི་དྲན་ཆོས་སྐུའི་དོན་དྲན་པས།། ཐམས་ཅད་ཡེ་ཤེས་ཉིད་དུ་གསལ།། ད་ཡང་འཁོར་གྱི་སྙིང
99b5 པོ་ཉོན།། དཔེར་ན་རིན་ཆེན་གསེར་གླིང་དུ།། ས་རྡོ་བཙལ་གྱིས་མི་རྙེད་ལྟར།། གང་དྲན་ཆོས་ཉིད་རང་གསལ་ཕྱིར།། ཏིང་འཛིན་དག་ལ་འབྱུང་འཇུག་མེད།། ད་ཡང་རྡོ་རྗེ་སེམས་དཔའ་ཉོན།། འཁོར་བ་མྱ་ངན
99b6 འདས་པའི་ཆོས།། ཐམས་ཅད་ཆོས་ཉིད་འགྱུར་མེད་ལ།། བསྒོམ་པའི་ཐ་སྙད་བྲལ་བའི་དོན།། རང་རིག་ཡེ་ཤེས་ཉིད་དུ་གསལ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ
iiif viewer powered by OpenSeadragon
