| e-texts navigator |
| Wylie |
99a1 མི་ཐར་སྡུག་བསྔལ་འབྱུང་བའི་ཕྱིར།། སྦྲུལ་སྐུ་ངོ་སྤྲོད་ཡོད་ཟེར་འཁྲུལ།། ལྷ་མོ་ཀུན་གྱི་སྨད་གསད་རིགས།། ད་ཡང་རྡོ་རྗེ་སེམས་དཔའ་ཉོན།། ཡིད་སྨོན་ཙམ་དུ་ཡོད་ཟེར་ན།། ཞི་ཁྲོ་ལ་སོགས་བསྒོམ
99a2 པ་ཡང་།། རྒྱུད་ལུང་ཆོས་སྐུ་ལྡེམ་དགོངས་བསྟན།། དེ་ཕྱིར་གཟུགས་སྐུ་གནས་འགྱུར་ལས།། དངོས་སུ་འབྱུང་བར་ངས་མ་བཤད།། དེ་ཡང་འདུས་པའི་སྙིང་པོ་ཉོན།། གཟུགས་སྐུའི་ཡོན་ཏན་འབྱུང་འདོད་པ།། དེ
99a3 ལྟར་རྟགས་ཆེན་འདི་འབྱུང་ཚེ།། སེང་གེ་ཁྱུང་དང་ཨུ་དུམ་པར།། རིན་ཆེན་ལ་སྩོགས་དུས་འདིར་འབྱུང་།། འཇིག་རྟེན་སངས་རྒྱས་འབྱུང་བའི་རྟགས།། དེ་མེད་འཇིགས་གཟུགས་འཇིག་རྟེན་དུ།། སེམས་ཅན་ལུས
99a4 དང་མ་བྲལ་བར།། གཟུགས་སྐུའི་ཡོན་ཏན་འབྱུང་འདོད་ན།། མུ་སྟེགས་ཀ་བ་རི་པར་གོལ།། མ་རིག་རྨོངས་པ་སྙིང་རེ་རྗེ།། མནར་མེད་རྨོངས་པ་སྙིང་རེ་རྗེ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ།།
99a5 ཡེ་ཤེས་ནམ་མཁའ་དང་མཉམ་པའི་རྒྱུད་ལས། ལུས་དང་མ་བྲལ་བར་གཟུགས་སྐུ་མི་འབྱུང་བར་བསྟན་པའི་ལེའུ་སྟེ་བརྒྱ་དང་བཅུ་པའོ།། །། སྡོམ་དུ་བསྡུས་ཏེ་བསྟན་པ་ཉི་ཤུ་རྩ་བཞི་པའོ།། །། དེ་ནས
99a6 རྡོ་རྗེ་སེམས་དཔའ་ཡིས།། ཀུན་རིག་སྟོན་པ་ཆོས་རྗེ་ལ།། ངེས་པའི་དགོས་དོན་འདི་སྐད་གསོལ།། རྣམ་རྟོག་རང་སར་ཅི་ལྟར་གྲོལ།། མཐའ་མ་རིག་པའི་གདམས་ངག་དང་།། ཐེ་ཚོམ་གེགས་རྣམས་ཅི་ལྟར་བསལ།།
iiif viewer powered by OpenSeadragon
