| e-texts navigator |
| Wylie |
98b1 ཕྱིར་དྲང་དོན་ལྡེམ་དགོངས་སུ།། ཞི་ཁྲོ་བསྒོམ་པ་ལྷ་ཚོགས་བསྟན།། དེ་ཡང་འདུས་པའི་སྙིང་པོ་ཉོན།། སྔོན་དུ་གཟུགས་སྐུ་འབྱུང་བ་ཡང་།། རང་རྒྱུད་ལུས་བཅས་མ་ཡིན་ཏེ།། རྒྱུད་དག་སྤྲུལ་པ་ཁ་ཅིག་ལས།།
98b2 སངས་རྒྱས་བྱང་ཆུབ་སེམས་དཔའ་ནི།། ཆགས་སྡང་ལྔ་དང་བཅས་པ་ཡི།། ཐ་མལ་རང་རྒྱུད་སེམས་འདི་ལ།། གཟུགས་སྐུ་ད་ལྟ་འབྱུང་མི་སྲིད།། ནམ་མཁའ་དངས་པར་ཉི་མ་འཆར།། དེ་ཡང་རྡོ་རྗེ་སེམས་དཔའ
98b3 ཉོན།། ད་ལྟ་གཟུགས་སྐུ་སྤྲོད་འདོད་ན།། མཚན་དང་དཔེ་བྱད་མ་ལུས་ཀུན།། རང་གི་ལུས་དང་ཚད་རྫོགས་པ།། ཞིང་ཁམས་ཡོན་ཏན་ཚད་མཐོང་དགོས།། དུས་གསུམ་སངས་རྒྱས་ཐམས་ཅད་ཀྱང་།། སྐུ་གསུང
98b4 ཐུགས་ནི་མཉམ་དགོས་ན།། དེ་མེད་ཡོན་ཏན་ངོ་སྤྱོད་མིན།། ད་ཡང་འདུས་པའི་སྙིང་པོ་ཉོན།། མངལ་གྱི་སྒྲིབ་གཡོགས་མ་བྲལ་བར།། ལུང་ལྡན་རྐྱེན་དང་འཕྲད་སྲིད་ན།། རང་སེམས་ཆོས་སྐུར་རྟོགས་པ་ལ།།
98b5 གཟུགས་སྐུ་མི་འབྱུང་ལུས་ཀྱིས་བསྒྲིབས།། ཉི་མ་སྤྲིན་གྱིས་བསྒྲིབས་པ་འདྲ།། ད་ཡང་འཁོར་གྱི་སྙིང་པོ་ཉོན། སྦྲུལ་སྐུ་ངོ་སྤྲོད་ཡོད་ཟེར་ན།། ད་ལྟ་ཐ་མལ་ལུས་འདི་ཡིས།། འཛམ་གླིང་བྱེ་བ་ཕྲག་བརྒྱ་རུ།། སྤྲུལ་པ
98b6 བྱེ་བ་ཕྲག་བརྒྱ་འགྱེད། སངས་རྒྱས་དམྱལ་བ་ཡན་ཆད་དུ།། ལུས་ཕྱིན་མིག་གིས་མཐོང་བ་དགོས།། རྣམ་སྨིན་ལུས་དང་བཅས་དུས་འདིར།། ཇི་ལྟར་གཟུགས་སྐུར་ངོ་སྤྲོད་ཀྱང་།། མཐའ་འཁོབ་ཆུ་དང་འཕྲད་པ་ཡང་།།
iiif viewer powered by OpenSeadragon
