| e-texts navigator |
| Wylie |
96b1 སྐྱེ་ཤི་བར་དོ་ལ།། ལུང་ལྡན་གདམས་ངག་འཕྲད་སྲིད་ལ།། མོས་གུས་དད་པས་རྟོགས་འགྱུར་ཚེ།། རང་རིག་ཆོས་སྐུར་ཤེས་པའི་ཕྱིར།། ལུང་མ་བསྟན་པ་བརླག་ཅིང་སྟོང་།། མཐར་ཐུག་འབྲེལ་པ་ཡོད་པ་ནི།། ནམ
96b2 ལངས་ཉི་མ་ཤར་བ་འདྲ།། དེ་ཡང་འདུས་པའི་སྙིང་པོ་ཉོན།། མྱང་འདས་ཀུན་བཟང་གཞི་དང་ནི།། འཁོར་གཞི་ལུང་མ་བསྟན་པ་གཉིས།། ལྷན་ཅིག་མི་གནས་འགལ་བའི་ཕྱིར།། གནས་སྐབས་མཐར་ཐུག་འབྲེལ་པ
96b3 མེད།། ཉི་མའི་དཀྱིལ་ན་མུན་མེད་ལྟར།། དེ་ཕྱིར་ཡེ་ཤེས་ཟང་ཐལ་ཉིད།། ད་ཡང་འདུས་པའི་སྙིང་པོ་ཉོན།། འཁོར་གཞི་ལུང་མ་བསྟན་ལ་སོགས།། ཤན་དབྱེའི་སྐབས་སུ་ངས་བཤད་ཀྱིས།། ལ་བཟླའི་སྐབས་སུ
96b4 ངས་མ་བཤད།། ཕྱི་རབས་རྣལ་འབྱོར་དེ་བཞིན་ནོ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། གཞི་གསུམ་འབྲེལ་མེད་བསྟན་པའི་ལེའུ་སྟེ་བརྒྱ་དང་བདུན
96b5 པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སེམས་ཀྱི་མུན་གསེབ་ནས།། འཁྲུལ་དང་མ་འཁྲུལ་བཀའ་སྩལ་པ།། འཁྲུལ་པ་རྣམ་བཞི་དབྱེ་བའི་ཕྱིར།། གསུམ་བྲལ་བཞི་ལྡན་གོལ་ས་མེད།། དེ
96b6 ཕྱིར་ཆོས་སྐུ་གཞི་དང་གཅིག། དེ་ཡང་འདུས་པའི་སྙིང་པོ་ཉོན།། ཆགས་སྡང་འབྱུང་བའི་རྒྱུར་བྱུང་བའི།། འཁྲུལ་དང་མ་འཁྲུལ་ཤན་དབྱེ་ན།། ཐོག་མེད་ལས་ཉོན་གྱིས་བསགས་པའི།། སྔར་གྱི་བག་ཆགས་བཟང་ངན
iiif viewer powered by OpenSeadragon
