| e-texts navigator |
| Wylie |
96a1 རྣམས་ཀུན་གྱི་རྩ་བ་ཡི། གཞི་གསུམ་འབྲེལ་པ་ཡོད་དམ་མེད།། ཀུན་གཞི་སེམས་ཀྱི་མུན་གསེབ་ནས།། ཆོས་སྐུ་ངོས་ནི་ཇི་ལྟར་བཟུང་།། ད་ལྟའི་གཟུགས་དང་མ་བྲལ་བར།། གཟུགས་སྐུ་མི་འབྱུང
96a2 གང་གིས་བསྒྲིབས།། མཉམ་པའི་རྒྱལ་པོས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྤྲུལ་པ།། དོན་གྱི་རྩ་བ་མདོར་བསྡུས་ན།། གཞི་གསུམ་མ་ནོར་ངེས་པ་ཡིས།།
96a3 འབྲེལ་པ་ངེས་མེད་ངས་བཤད་ཀྱིས།། ལེགས་པར་ཉོན་ལ་ཡིད་ཀྱིས་ཟུང་།། དེ་དྲུག་ཡོད་མེད་གཅིག་ཏུ་རྟོགས།། འཁོར་འདས་གཉིས་གཞི་རང་བཞིན་ལུས།། འཁོར་གྱི་ཤེས་པ་ལུང་མ་བསྟན།། གནས་སྐབས
96a4 འབྲེལ་མེད་མཐར་ཐུག་མེད།། གནས་སྐབས་འབྲེལ་པ་ཡོད་པ་ནི།། ལུང་མ་བསྟན་པ་རྣམ་གསུམ་ལ།། རང་བཞིན་ལུས་ཀྱིས་ཁྱབ་པའི་ཕྱིར།། བདེ་གཤེགས་སྙིང་པོ་ཡོད་ཅེས་བྱ།། དེ་ཡང་འདུས་པའི་སྙིང་པོ
96a5 ཉོན།། མཐར་ཐུག་འབྲེལ་པ་མེད་པ་ནི།། ཤེས་བཞིན་ལུང་མ་བསྟན་པ་ལ།། ཡིད་འགྲིབས་ཡོད་ཕྱིར་མོས་གུས་བྱེད།། བྱིན་རླབས་རྟོགས་དང་ལུང་ལྡན་ཞིང་།། བསྟན་ཐབས་མེད་ཕྱིར་འཁོར་བའི་རྒྱུ།། དེ་བསྐྱེད
96a6 འཁོར་བ་འབའ་ཞིག་ཡིན།། དེས་ཕྱིར་མཐར་ཐུག་འབྲེལ་པ་མེད།། མུན་དང་ཉི་མ་དུས་མི་མཚུངས།། མ་རིག་ཡེ་ཤེས་དེ་བཞིན་ནོ།། དེ་ཡང་འདུས་པའི་སྙིང་པོ་ཉོན།། མཐར་ཐུག་འབྲེལ་པ་ཡོད་པ་ནི།། ལན་ཅིག
iiif viewer powered by OpenSeadragon
