| e-texts navigator |
| Wylie |
95b1 ཅད་དེ་ཡི་ངོ་བོར་གནས།། དེ་ཡང་འདུས་པའི་སྙིང་པོ་ཉོན།། འཁོར་འདས་གཉིས་པས་གཞི་སྔ་ཕྱིར།། བློ་ཡིས་མ་བཅོས་འཁོར་འདས་མེད།། བག་ཆགས་མ་བརྟས་འཁོར་བ་མེད།། གང་ཡང་མེད་ཕྱིར་ཀུན་གྱི
95b2 གཞི།། རང་བྱུང་རྟོགས་པས་བཅོམ་ལྡན་འདས།། ས་རྣམས་མ་བགྲོད་ངང་གིས་རྫོགས།། ལམ་ལ་མི་བརྟེན་ས་ལམ་བྲལ།། མེད་པར་མ་ཡིན་ཡེ་ཤེས་ཉིད།། རྫོགས་ཆེན་མཉམ་ཉིད་ཀུན་ཏུ་ཁྱབ།། ཆོས་རྣམས་ཀུན
95b3 གྱི་ཆོས་ཆེན་པོ།། ཐམས་ཅད་ངོ་བོར་ལྷུན་གྱིས་གྲུབ།། དེ་བསྐྱེད་ཆོས་རྣམས་ཐམས་ཅད་འབྱུང་།། འཁྲུལ་པའི་རྟོག་མེད་གཞི་དང་མཐུན།། དེ་ཕྱིར་ལུང་ལྡན་རྐྱེན་གྱིས་ཀྱང་།། བློ་དངོས་གཅིག་པའི་དགོངས་པ་ལ།།
95b4 གཞི་ཤེས་པ་ལ་རྟོགས་ཞེས་བྱ།། དེ་ཡང་འདུས་པའི་སྙིང་པོ་ཉོན།། ཆོས་ཀྱི་རྒྱལ་པོར་རབ་བསྔགས་ཕྱིར།། འཁོར་འདས་བྱུང་བ་ཐམས་ཅད་ཀྱང་།། བཙལ་བ་མེད་པར་ཤུགས་ལས་བྱུང་།། དེ་ཕྱིར་ཀུན་གྱི་གཞིར
95b5 གྱུར་ཞེས།། ཀུན་བཟང་ཉིད་ཀྱིས་གསུངས་པ་ཡིན།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། གནས་ལུགས་འགྱུར་མེད་བསྟན་པའི་ལེའུ་སྟེ་བརྒྱ་དང་དྲུག
95b6 པའོ།། སྡོམ་དུ་བསྡུས་ཏེ་བསྟན་པ་ཉེར་གསུམ་པའོ།། །། དེ་ནས་རྡོ་རྗེ་སེམས་དཔའ་ཡིས།། ཡེ་ཤེས་མངོན་གྱུར་རྟོགས་པའི་ཕྱིར།། ཀུན་རིག་ཆོས་ཀྱི་རྒྱལ་པོ་ལ།། བདེན་པའི་ཡིད་ཀྱིས་འདི་སྐད་གསོལ།། ཆོས
iiif viewer powered by OpenSeadragon
