| e-texts navigator |
| Wylie |
95a1 བགྲོད་ཅིག། རྟེན་མེད་དམིགས་པ་མ་འཆང་ཞིག། སྒྲིབ་མེད་ཚོགས་གཉིས་མ་བསོགས་ཤིག། ངེས་དོན་འདི་ཉིད་བསྒྲུབ་མི་དགོས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ
95a2 མཁའ་དང་མཉམ་པའི་རྒྱུད་ལས། མ་བསྒོམས་དོན་དང་མི་འབྲལ་བར་བསྟན་པའི་ལེའུ་སྟེ་བརྒྱ་དང་ལྔ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་ཀུན་ཏུ་བཟང་པོ་ཡིས།། གནས
95a3 ལུགས་འགྱུར་མེད་བཀའ་སྩལ་པ།། ཆོས་སྐུས་ཁྱབ་པའི་ཕྱི་ནང་ཆོས།། མཐའ་དབུས་མེད་པ་ཐམས་ཅད་པའི།། གནས་དང་གཞི་ཡི་རྟེན་བྱེད་པའི།། རང་བྱུང་ཐིག་ལེ་ཉག་གཅིག་སྟེ།། འདི་ནི་བདེ་གཤེགས་ཐམས
95a4 ཅད་ཀྱི།། ཐུགས་ཀྱི་དམ་པ་དཀྱིལ་འཁོར་ཡིན།། དེ་ཡང་རྡོ་རྗེ་སེམས་དཔའ་ཉོན།། རང་བྱུང་སྙིང་པོ་འགྱུར་མེད་ལ།། བློ་ཡིས་བཅོས་པས་གཞི་མི་འགྱུར།། དེ་ཕྱིར་རྐྱེན་གྱིས་བཅོས་སུ་མེད།། རང་བྱུང་ངོ་བོ་ཉིད་ཀྱི
95a5 སྐུ།། ཆོས་རྣམས་ཀུན་གྱི་རྩ་བའི་གཞིར།། དུས་གསུམ་སངས་རྒྱས་ཀུན་གྱིས་གསུངས།། དེ་ཕྱིར་གཞི་ལ་འཕོ་འགྱུར་མེད།། དེ་ཡང་རྡོ་རྗེ་སེམས་དཔའ་ཉོན།། རང་བཞིན་ལྷུན་གྱིས་གྲུབ་པའི་ཕྱིར།། སངས་རྒྱས་ཉག
95a6 གཅིག་ཆོས་ཀྱི་སྐུ།། འདི་ནི་འཁོར་འདས་གཉིས་ཀྱི་གཞི།། མ་རྟོགས་ཕྱིར་ན་འཁོར་བ་ལ།། རྟོགས་ན་མྱ་ངན་འདས་ཞེས་བྱ།། གཞི་ལ་སངས་རྒྱས་སེམས་ཅན་མེད།། དེ་ཕྱིར་གཉིས་མེད་གཅིག་གི་ངང་།། ཐམས
iiif viewer powered by OpenSeadragon
