| e-texts navigator |
| Wylie |
94a1 ཡེ་ཤེས་འཕེལ་འགྲིབ་མེད།། དཔེ་ནི་རྒྱ་མཚོའི་གཏིང་དང་འདྲ།། ཡུལ་ནི་རིག་པ་སོ་ཐུབ་བསྟན།། ཚད་ནི་གསལ་ལ་མི་གཡོ་བ།། ངེས་ཚིག་སྐྱོན་གྱིས་མ་གོས་པ།། འབྲས་བུ་རིག་པ་ཆོས་སྐུ་ཡིན།།
94a2 སྐྱོན་ནི་ཐེ་ཚོམ་ཡིད་མ་ཆེས།། གོལ་ས་མི་གཡོ་འགོག་པ་ཡིན།། དེ་ཡང་རྡོ་རྗེ་སེམས་དཔའ་ཉོན།། དེ་དག་བསྒོམ་པའི་དབྱེ་བ་ཡང་།། དད་ལྡན་དྲང་ཕྱིར་གསུངས་པ་ལས།། དོན་ལ་རང་རིག་ཆོས་སྐུ་ལ།། དབྱེ་བར
94a3 བྱ་བ་རྡུལ་ཙམ་མེད།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཏིང་ངེ་འཛིན་གྱི་དབྱེ་བ་མདོར་བསྡུས་ནས་བསྟན་པའི་ལེའུ་སྟེ་བརྒྱ་དང་བཞི་པའོ།། །། དེ
94a4 ནས་འདུས་པའི་ཚོགས་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། མ་བསྒོམ་དོན་དང་མི་འབྲལ་བས།། ཐིག་ལེ་གཅིག་ཏུ་རྫོགས་པ་ཡིས།། ཀུན་གཞི་གཞི་ཆ་ཆོས་སྐུ་ལ།། སྣ་ཚོགས་སྣང་ཡང་འགྱུར་བ་མེད།།
94a5 ད་ཡང་རྡོ་རྗེ་སེམས་དཔའ་ཉོན།། སེམས་ནི་བསྒོམ་དུ་མེད་པའི་དཔེ།། ནམ་མཁའ་བསྒོམ་དུ་སེམས་དང་བྲལ།། དེ་བཞིན་སེམས་ཀྱི་སེམས་བསྒོམ་དུ།། ཆོས་ཉིད་སེམས་ཀྱི་ཡུལ་ལས་འདས།། སྟོང་རིག་སེམས་ཀྱི
94a6 ཡུལ་ལས་འདས།། ངེས་པར་འགྱུར་མེད་ལྟ་བའི་གཟུངས།། དོན་དུ་མི་བརྗེད་ཏིང་འཛིན་གསལ།། རང་སེམས་རྟོགས་ཕྱིར་བསྒོམ་མི་དགོས།། དེ་ཡང་རྡོ་རྗེ་སེམས་དཔའ་ཉོན།། རང་བྱུང་ཆོས་སྐུ་ངོས་ཟིན་ན།། ཤེས
iiif viewer powered by OpenSeadragon
