| e-texts navigator |
| Wylie |
93b1 སེལ་གྱི་ལྟ་བ་བསྟན་པའི་ལེའུ་སྟེ་བརྒྱ་དང་གསུམ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་ཆོས་རྗེས་བཀའ་སྩལ་པ།། རྣལ་འབྱོར་དམ་པ་མཉམ་བཞག་ཚེ།། གསལ་ལ་མི་རྟོག་མི་གཡོ
93b2 བའི།། ངོ་བོ་རྩལ་དང་དཔེ་དང་ནི།། ཚད་དང་ངེས་ཚིག་ཡུལ་དང་བྲལ།། སྐྱོན་དང་གོལ་ས་དགུ་དགུ་བསྟན།། ཆོས་སྐུ་འབྲལ་མེད་སྡོམ་ཚིག་ཡིན།། དེ་ཡང་འདུས་པའི་སྙིང་པོ་ཉོན།། ངང་གིས་གསལ་བ་ཡེ
93b3 ཤེས་ཡིན།། རང་རིག་པ་ཡི་ཡེ་ཤེས་ཡིན།། རྩལ་ནི་སྒོ་ལྔར་གསལ་བ་ཡིན།། དཔེར་ན་ཏིལ་གྱི་མར་མེ་འདྲ།། ཚད་ནི་ཤེས་པ་མ་བསྒྲིབས་པ།། ངེས་ཚིག་གདམས་ངག་མ་བརྗེད་པ།། ཡུལ་ནི་སྣང་བ་ཆོས་ཀྱི
93b4 དབྱིངས།། འབྲས་བུ་ལོངས་སྤྱོད་རྫོགས་པའི་སྐུ།། སྐྱོན་ནི་ཡུལ་ལ་ཡན་གྲངས་པ།། གོལ་ས་བྱིང་རྨུགས་འགོག་པ་ཡིན།། དེ་ཡང་རྡོ་རྗེ་སེམས་དཔའ་ཉོན།། དམིགས་འཛིན་མེད་པའི་ངོ་བོ་ཉིད།། སྔ་ཕྱི་གང་ཡང་མ
93b5 དྲན་པ།། རྩལ་ནི་བདེ་ལ་མ་ཞེན་པ།། ཡུལ་ནི་འཛིན་མེད་མ་འགགས་པ།། དཔེ་ནི་བྱ་བ་བཏང་བ་འདྲ།། ཚད་ནི་དྲན་བྱེད་མ་བྱིང་ལ།། ངེས་ཚིག་ཡུལ་ལ་མ་ཡེངས་ཡིན།། འབྲས་བུ་སྦྲུལ་སྐུ་ཐུབ་དྲུག་འབྱུང་།། སྐྱོན
93b6 ནི་གོམས་པར་མ་བྱས་ཡིན།། གོལ་ས་རྒོད་འཕྲོ་ཡུལ་ལ་ཞེན།། དེ་ཕྱིར་གཉིས་འཛིན་མེད་ཅེས་བྱ།། དེ་ཡང་རྡོ་རྗེ་སེམས་དཔའ་ཉོན།། གཉུག་མར་གནས་པ་མི་གཡོ་བའི།། ངོ་བོ་དུས་གསུམ་མི་འགྱུར་བ།། རྩལ་ནི
iiif viewer powered by OpenSeadragon
