| e-texts navigator |
| Wylie |
93a1 རྟོག་མེད།། དོན་དམ་སྤྲོས་བྲལ་ལྟ་བའི་མཆོག། རྩལ་མེད་སྤྱོད་པའི་ཡུལ་ལས་འདས།། ཡང་དག་ཀློང་འགྱུར་དོན་ལ་མཁས།། དེ་ཉིད་ལས་སུ་འབྱོར་པ་ཡིས།། ཚོགས་བརྒྱད་ཅེས་པའི་ཡུལ་ལས
93a2 འདས།། མངོན་དུ་གྱུར་པས་ཐུགས་ལ་བཀྲ།། ཀུན་གྱིས་རྟོགས་དཀའ་བྱང་ཆུབ་དེས།། མི་གཡོ་ཆོས་སྐུ་མི་རྟོག་ལམ།། རང་རིག་བདེ་བ་ཆོས་སྐུའི་ཀློང་།། གཅིག་ཏུ་རྫོགས་པས་ཀུན་ལ་གསལ།། ལྟ་བ་དབུས་དང
93a3 མཐའ་མེད་པས།། སྤང་ལེན་མ་བཙལ་ལྷུན་གྱིས་གྲུབ།། སྐྱེ་མེད་ངང་དུ་རིག་པ་འཕྱོ།། བརྟེན་མེད་ཆགས་པའི་ཡུལ་ལས་འདས།། བསྒོམ་མེད་ལྟ་བ་ངང་གིས་གསལ།། མཚོན་པའི་ཚིག་གིས་བཀྲི་དྲང་བྲལ།། སྐྱེ
93a4 མེད་གདེང་དུ་འདུ་འབྲལ་མེད།། སྣང་མེད་རིག་པ་དངོས་པོ་བྲལ།། ཡང་དག་ཐུགས་ལ་སྤྲོ་བསྡུ་མེད།། མ་བཅོས་ལྷུན་གྲུབ་རིག་པར་ཤར།། ཀུན་ཁྱབ་དོན་བསྡུས་མཐའ་མ་རེག། ཡེ་ཤེས་སྐུ་མཆོག་ཆོས་སྐུ་གདལ།།
93a5 ད་ཡང་རྡོ་རྗེ་སེམས་དཔའ་ཉོན།། འགྲོ་དྲུག་སེམས་ཅན་རང་བྱུང་སྐུ།། འདི་ལྟར་སྣང་བ་མ་ལུས་ཀུན།། གདོད་ནས་མེད་པའི་དོན་རྟོགས་ནས།། ཡེ་ཤེས་གཅིག་གི་ངང་དུ་རྫོགས།། ལུས་ངག་ཡིད་ཀྱི་བྱ་བ་རྫོགས།།
93a6 བྱས་ན་འཆིང་བའི་ལས་ཡིན་ལས།། གཞི་ལ་མི་ཤེས་བཙལ་མི་དགོས།། མ་བསྒོམས་འདུ་འབྲལ་མེད་པར་བལྟ།། རྫོགས་པ་ཆེན་པོ་ངེས་དོན་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། མ་རིག་མུན
iiif viewer powered by OpenSeadragon
