| e-texts navigator |
| Wylie |
92a1 མཐུན་ཡུལ་ལས་ལོག། ཞེན་པ་ལོག་ཕྱིར་ཆོས་ཀྱི་སྐུ།། དེ་ཕྱིར་རང་བྲལ་ཆོས་སྐུར་ཤེས།། མཚན་ཉིད་འདྲ་ཕྱིར་ཡིན་པ་མིན།། ད་ལྟ་འགྲོ་བ་ཀུན་ལ་གནས།། འཆར་ནུབ་མེད་ཕྱིར་ཡེ་གནས་ཕྱིར།། སྒྲོ
92a2 སྐུར་མ་བཏབ་ཡེ་ཤེས་ཀློང་།། ལ་བཟླ་སྣང་བ་མེད་པ་ལ།། ཞེན་པའི་ལོག་དོན་གདམས་ངག་གིས།། དུག་ལྔ་རང་གྲོལ་ཆོས་སྐུར་ཤེས།། རྡོ་རྗེ་སེམས་དཔའ་ད་ཉོན་ཅིག། ཡིན་པ་མི་བླང་མིན་མི་སྤངས།། མི་བསྡུ་མི
92a3 བསྲེ་མི་དབྱེ་བར།། བསམ་པའི་ཡུལ་ལས་འདས་པས་ན།། ཕྱོད་དེ་སེང་ངེ་རང་རིག་ལ།། མཐའ་དབུས་མེད་ཕྱིར་ཀུན་ཏུ་ཁྱབ།། དེ་ཕྱིར་ཐིག་ལེ་ཉག་གཅིག་ཡིན།། རྫོགས་པ་ཆེན་པོ་ངེས་དོན་ཐམས་ཅད་འདུས་པ།།
92a4 ཡེ་ཤེས་ནམ་མཁའ་དང་མཉམ་པའི་རྒྱུད་ལས།། འཁོར་འདས་གཞི་ལ་མེད་པའི་བལྟ་བ་བསྟན་པའི་ལེའུ་སྟེ་བརྒྱ་དང་གཅིག་པའོ།། །། དེ་ནས་འཁོར་གྱི་ཚོགས་རྣམས་ལ།། ཀུན་རིག་སྟོན་པས་བཀའ
92a5 སྩལ་པ།། ནང་གི་རིག་པ་འགྲིབ་མེད་དོན།། ད་ལྟའི་ཆོས་སྐུ་འདི་ཉིད་ནི།། འདུས་མ་བྱས་ཕྱིར་རྟག་ཆད་མེད།། ཡེ་ཤེས་རྣལ་མ་ཉིད་ཡིན་ནོ།། དེ་ཡང་རྡོ་རྗེ་སེམས་དཔའ་ཉོན།། ཀུན་གྱི་མཉམ་ཉིད་རྒྱལ་བའི
92a6 ཐུགས།། མ་ལུས་སེམས་ཅན་ཐམས་ཅད་ལ།། རྟག་མིན་བདག་བྲལ་ཆོས་སྐུར་ཤེས།། དངོས་མེད་ཁྱབ་པས་ནམ་མཁའ་འདྲ།། ཆད་པ་མ་ཡིན་གཉུག་མར་གནས།། འཛིན་མེད་ཤེས་པ་ངང་གིས་གསལ།། ངོ་བོར
iiif viewer powered by OpenSeadragon
