| e-texts navigator |
| Wylie |
91a1 འགྱུར་མེད་བལྟ་བ་གང་།། ཀུན་རིག་ཆོས་རྗེས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། སྣང་བ་མ་བཅོས་ཆོས་དབྱིངས་ནི།། རང་བྱུང་ཆོས་སྐུ
91a2 གཅིག་གཅིག་ལ།། ཡོན་ཏན་ཐམས་ཅད་འབྱུང་བ་ནི།། དཔེར་ན་ཡིད་བཞིན་ནོར་བུ་ལྟར།། དེ་ནི་ལྷུན་གྲུབ་ཀུན་གྱི་གཞི།། དེ་ཡང་རྡོ་རྗེ་སེམས་དཔའ་ཉོན།། དང་པོ་གང་ལ་མ་བརྟགས་པར།། བར་དུ་བཟུང་བའི
91a3 ཡུལ་མ་ཞེན།། ཐ་མ་རྗེས་སུ་མ་འབྲང་ཕྱིར།། སྒོ་ལྔ་རང་ཡན་བཏང་གྱུར་ཀྱང་།། ཆོས་ཉིད་ཆོས་ཀྱི་དབྱིངས་ཞེས་བྱ།། ནང་གི་རིག་པ་ཆོས་སྐུར་ཤེས།། དེ་ཕྱིར་ཡེ་ཤེས་ཕྱི་ནང་མེད།། ཆོས་ཉིད་རིག་པ་ཀུན་ཏུ་ཞལ།།
91a4 གང་ལ་ཐོགས་མེད་ཆོས་སྐུར་འཕྱོ།། གནས་ནི་ཆོས་སྐུའི་ཀློང་ན་ཡོད།། རྐྱེན་གྱིས་མི་ཚུགས་ནམ་མཁའ་འདྲ།། དེ་ཕྱིར་རང་བྱུང་འདུས་མ་བྱས།། དེ་ཡང་འདུས་པའི་སྙིང་པོ་ཉོན།། གང་ལ་མི་གནས་རིག་པ་འདི།།
91a5 ནམ་མཁའི་དཀྱིལ་གྱི་ཉི་ཟླ་བཞིན།། སང་ངེ་ས་ལེར་མི་རྟོག་པར།། ཕྱོད་དེ་སེང་ངེ་ཡ་ལེ་བ།། ཆོས་དབྱིངས་གནས་ཀྱི་ནམ་མཁའ་སྟེ།། ཡུལ་དང་སྒོ་ལྔ་མ་འདྲེས་གསལ།། དེ་ཙམ་ཉིད་ན་མ་འདྲེས་གསལ།། སྣང་བ
91a6 མ་འགགས་ཅིར་ཡང་གསལ།། དེ་ལྟར་རྟོག་མེད་ཆོས་ཀྱི་དབྱིངས།། དེ་ཡང་འདུས་པའི་སྙིང་པོ་ཉོན།། ཕྱི་ཡི་འབྱུང་བ་རྣམ་ལྔ་ནི།། གཞན་འབྱུང་ཡིན་ཕྱིར་ཡེ་ཤེས་མིན།། དེ་ཕྱིར་མི་སྤང་གནོད་མི་ནུས།། སེམས་སུ་མི
iiif viewer powered by OpenSeadragon
