| e-texts navigator |
| Wylie |
90b1 ཡང་།། ཚིག་གི་བརྡ་ཡི་སྒྲོན་མ་ཡིས།། མ་རིག་མུན་པ་བསལ་བའི་ཕྱིར།། ལུང་ལྡན་ངེས་པའི་གདམས་ངག་གིས།། སྙན་ནས་རྣ་བར་བརྒྱུད་ཅེས་བྱ།། ད་ཡང་འདུས་པའི་སྙིང་པོ་ཉོན།། དོན་གྱི་བཀའ་ཡི་མན་ངག
90b2 གིས།། ཡེ་ཤེས་རིག་པ་ཁོང་ནས་ཤར།། དེ་ཙམ་ཉིད་ན་སྐྱེ་འགགས་མེད།། ད་ལྟ་ཉིད་དུ་མངོན་འགྱུར་གོ།། ལུས་ཀྱི་བརྡ་ཡི་སྤྲུལ་པ་འགྱེད།། སྟོང་གསུམ་མ་ལུས་ཐམས་ཅད་དུ།། སྤྲུལ་པ་གྲངས་མེད་ཐམས་ཅད
90b3 པ།། ལྔ་བཅུ་རྩ་བརྒྱད་རྔ་བདུན་ཡང་འདུགབརྡ་ཡིས་ནི།། སྐྱོན་གྱིས་མ་གོས་འགྲོ་དོན་གྲུབ།། དེ་ཡང་འདུས་པའི་སྙིང་པོ་ཉོན།། རྟགས་ཀྱི་བརྡ་ཡིས་བསྟན་པའི་ཕྱིར།། སྐུ་མདོག་ཕྱག་མཚན་སྣ་ཚོགས་པ།། བྱིན
90b4 རླབས་སངས་རྒྱས་དངོས་གྲུབ་ཐོབ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཚིག་ལས་འདས་པ་བསྟན་པའི་ལེའུ་སྟེ་གོ་དགུ་པའོ།། སྡོམ་དུ་བསྡུས
90b5 ཏེ་བསྟན་པ་ཉི་ཤུ་རྩ་གཅིག་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་ཚོགས་ལ་ཕན་དོན་དུ།། ཀུན་རིག་ཆོས་ཀྱི་རྒྱལ་པོ་ལ།། ངེས་པའི་དགོས་དོན་འདི་སྐད་གསོལ།། སྣང་བ་ཆོས་དབྱིངས་ཇི
90b6 ལྟར་ཡིན།། འཁོར་འདས་གཉིས་ཀྱི་གཞི་ནི་གང་།། རང་བཞིན་ལྷུན་གྲུབ་ལྟ་བ་གང་།། མ་རིག་མུན་སེལ་ལྟ་བ་གང་།། ཏིང་འཛིན་དབྱེ་བའི་གདམས་ངག་གང་།། དོན་དམ་མི་འབྲལ་ཏིང་འཛིན་གང་།། གནས་ལུགས
iiif viewer powered by OpenSeadragon
