| e-texts navigator |
| Wylie |
90a1 འགྱུར་ངེས་པ་ནི།། འདི་ཉིད་ཁོ་ན་ཡིན་ནམ་མིན།། ཡིད་ལ་ཐེ་ཚོམ་ཆ་ཕྲ་ཡོད།། དེ་དག་གསལ་ཕྱིར་མོས་གུས་སྤྱོད།། དེ་ཕྱིར་ཀུན་བཟང་དེ་ཆེད་དུ།། མཉམ་བཞག་དགོངས་པ་ཐུགས་གཏད་ནས།།
90a2 ཐེ་ཚོམ་མེད་པར་ཆོས་ཉིད་རྟོགས།། དེ་ཕྱིར་ཡེ་ཤེས་རྒྱུད་དག་པས།། རྡོ་རྗེ་སེམས་དཔའ་མངོན་གྱུར་གོ། ཚིག་ཏུ་མགོ་དོན་དུ་ཤར།། དེ་ཡང་འདུས་པའི་སྙིང་པོ་ཉོན།། དེ་ཕྱིར་བྱིན་གྱིས་བརླབས་ལུགས་ནི།། ཀུན
90a3 བཟང་ཐུགས་ཀྱི་ངེས་དོན་དེ།། ཆོས་དྲུག་མིང་དང་དོན་ཤེས་པས།། དུས་གསུམ་ཅིག་ཅར་རིམ་གྱིས་ཉམས།། གང་ལ་མ་བརྟེན་ཡིད་ཀྱིས་ནི།། ལྷག་མཐོང་ཆོས་སྐུར་ད་ལྟ་ཤེས།། དེ་ཕྱིར་དགོངས་པར་བརྒྱུད་པའི
90a4 ཕྱིར།། རྟོགས་པ་མངོན་འགྱུར་སངས་རྒྱས་པའི།། ཕྱིས་མི་ལེན་པར་རིག་པས་གོ།། ཉིད་ལས་མི་གཞན་སངས་རྒྱས་འབྱུང་།། དེ་ཕྱིར་བྱིན་གྱིས་བརླབས་ཞེས་བྱ།། དེ་ཡང་འདུས་པའི་སྙིང་པོ་ཉོན།། སྟོན་པ་ཀུན
90a5 བཟང་བྱིན་རླབས་ཀྱི།། སྐུ་གསུང་ཐུགས་ཀྱི་སྒྲུབ་པ་གསུམ།། གཟའ་སྐར་རྒྱ་མཚོར་ཇི་བཞིན་དུ།། དེ་དོན་ཉིད་ཀྱི་རྩལ་དུ་བྱུང་།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ
90a6 པའི་རྒྱུད་ལས། རྡོ་རྗེ་སེམས་དཔའ་བྱིན་གྱིས་བརླབས་ཀྱིས་བཤད་པའི་ལེའུ་སྟེ་གོ་བརྒྱད་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན་པས་བཀའ་སྩལ་པ།། སྦྲུལ་སྐུ་ལྔ་ཡི་བསྟན་པ
iiif viewer powered by OpenSeadragon
