| e-texts navigator |
| Wylie |
8b1 སྣང་ཇི་ལྟར་བྱུང་།། དེ་སྐད་ཅེས་ནི་ཞུས་མ་ཟག། སངས་རྒྱས་ནམ་མཁའི་སྙིང་པོ་དེ།། ཨུཏྤ་ལ་ཡིས་ཐུགས་དགྱེས་ཏེ།། ཞུས་པའི་ལན་དེ་བཀའ་སྩལ་པ།། གཞི་ལ་སྣང་མེད་ནམ་མཁའ་འདྲ།། མ་རིག་རྐྱེན་བྱས
8b2 གཟུང་འཛིན་གྱིས།། རང་གི་གཞན་སྣང་འཁྲུལ་པའི་ཕྱིར།། བག་ཆགས་སྣང་བ་སྤྲིན་ལྟར་བྱུང་།། དེ་སྐད་ཅེས་ནི་གསུངས་པ་ཡིས།། སྣང་བ་ཡོད་མེད་ཐེ་ཚོམ་ཆོད།། ཞུ་བ་ཞུས་ཕྱིར་ངེས་པ་རྙེད།། དེ་ཕྱིར་འབྲས་བུ
8b3 མངོན་དུ་གྱུར།། དེ་ཡང་འདུས་པའི་སྙིང་པོ་ཉོན།། ཡོན་ཏན་རྒྱས་པའི་ཞིང་ཁམས་ན།། སངས་རྒྱས་འབུམ་གཟིགས་བྱ་བ་དེ།། ཉིད་ཀྱིས་དད་ཉན་འཁོར་རྣམས་ལ།། བཙལ་མེད་འབྲས་བུའི་ཆོས་རྣམས་སྟོན།། དེ་ལ
8b4 བསྐོར་བ་བྱས་ནས་ནི།། ཀུན་ནས་ཡིད་ཆེས་དད་པ་ཡིས།། ངེས་དོན་ཞུ་བའི་རྟེན་དུ་ཡང་།། པདྨ་གསེར་གྱི་མདོག་ཅན་ཕུལ།། དེ་ལ་ངེས་པའི་དོན་ཞུས་པ།། འབྲལ་མེད་རྒྱུན་གྱི་ཏིང་འཛིན་གྱིས།། རིག་པ་ཕྱི་ནང
8b5 མེད་པ་ལ།། མཉམ་བཞག་རྗེས་ཐོབ་འོང་བ་ཅི།། དེ་སྐད་ཞུས་པའི་དོན་གསན་ནས།། སངས་རྒྱས་འབུམ་གཟིགས་བཞུགས་པ་དེ།། གསེར་གྱི་པདྨོས་ཐུགས་དགྱེས་ནས།། ཞུས་པའི་ལན་དེ་བཀའ་སྩལ་པ།། ཡེ
8b6 ཤེས་རིག་པ་འདི་ཉིད་ལ།། མཉམ་བཞག་རྗེས་ཐོབ་གདོད་ནས་མེད།། ངེས་དོན་འདི་མེད་སྒོམ་ཆེན་ལ།། སྒོ་ལྔའི་ཡུལ་ལ་རྗེས་ཐོབ་བྱུང་།། དེ་སྐད་ཅེས་ནི་གསུངས་པ་ཡིས།། མཉམ་བཞག་རྗེས་ཐོབ་ཐེ་ཚོམ་ཆོད།།
iiif viewer powered by OpenSeadragon
