| e-texts navigator |
| Wylie |
8a1 ཞིང་ཁམས་ན།། སངས་རྒྱས་ཞི་བའི་སྙིང་པོ་དེ།། དད་ལྡན་རང་གི་འཁོར་རྣམས་ལ།། སེམས་ཀྱི་འབྲས་བུའི་ཆོས་རྣམས་སྟོན།། དེ་ལ་བསྐོར་བ་བྱས་ནས་ཀྱང་།། ཀུན་ནས་དད་པའི་གདེངས་ཀྱིས་ནི།།
8a2 ངེས་དོན་ཞུ་བའི་རྟེན་དུ་ཡང་།། རིན་ཆེན་ཀེ་ཏའི་འབྲས་བུ་ཕུལ།། དེ་ལ་ངེས་པའི་དོན་ཞུས་པ།། རང་གི་སེམས་ཉིད་གཉུག་མ་ལ།། གཞི་ལ་ཐོག་མཐའ་མེད་པ་ལ།། འཁོར་འདས་ཐོག་མཐའ་འོང་བ་ཅི།། དེ་སྐད
8a3 ཞུས་པའི་དོན་གསན་ནས།། སངས་རྒྱས་ཉི་མའི་འོད་ཟེར་དེ།། རིན་ཆེན་ཀེ་ཏས་ཐུགས་མཉེས་ཏེ།། ཞུས་པའི་ལན་ནི་བཀའ་བསྩལ་པ།། གཞི་ཉིད་དུས་གསུམ་འགྱུར་མེད་ལ།། བློ་ཡིས་བཅོས་སུ་མི་འདོད་ཕྱིར།།
8a4 ཡེ་ཤེས་མ་རིག་ཁྱད་པར་ལས།། འཁོར་འདས་གཉིས་ལ་ཐོག་མཐའ་བྱུང་།། དེ་སྐད་ཅེས་ནི་གསུངས་པ་ཡིས།། ཐོག་མཐའ་ཡོད་མེད་ཐེ་ཚོམ་ཆོད།། ཞུ་བ་ཞུས་ཕྱིར་ངེས་པ་རྙེད།། དེ་ཕྱིར་འབྲས་བུ་མངོན་དུ་གྱུར།།
8a5 ད་ཡང་འདུས་པའི་སྙིང་པོ་ཉོན།། མཐའ་དབུས་མེད་པའི་ཞིང་ཁམས་ན།། སངས་རྒྱས་ནམ་མཁའི་སྙིང་པོ་དེ།། དད་ཉན་རྣམས་ཀྱི་འཁོར་རྣམས་ལ།། བཙལ་མེད་འབྲས་བུའི་ཆོས་རྣམས་སྟོན།། དེ་ལ་བསྐོར་བ་བྱས
8a6 ནས་ནི།། ཀུན་ནས་མཐར་ཐུག་དད་པ་ཡིས།། ངེས་དོན་ཞུ་བའི་རྟེན་དུ་ཡང་།། ཨུཏྤལ་ཡི་མེ་ཏོག་ཕུལ།། དེ་ལ་ངེས་པའི་དོན་ཞུས་པ།། རང་བཞིན་དག་པའི་ངོ་བོ་ལ།། གཞི་ལ་སྣང་བ་མེད་པ་ལ།། གློ་བུར་འཁྲུལ
iiif viewer powered by OpenSeadragon
