| e-texts navigator |
| Wylie |
89a1 དུ་གསོལ།། དེ་སྐད་ཞུས་པས་དོན་གསན་ནས།། འདུས་པའི་འཁོར་ལ་ངེས་པའི་དོན།། མ་ནོར་ངེས་པའི་སངས་རྒྱས་བཀའ།། ང་ཡིས་བཤད་ཀྱིས་ལེགས་པར་ཉོན།། རང་བཞིན་གཞི་ཡིས་མཚོན་དཔེ
89a2 ནི།། འདུས་མ་བྱས་ཀྱི་ནམ་མཁའ་འདྲ།། གང་ནས་མ་འོངས་ཡེ་ནས་ཡོད།། གར་ཡང་མི་འགྲོ་དུས་གསུམ་གཅིག། ད་ལྟ་ཀུན་ཁྱབ་ངོས་བཟུང་བྲལ།། ཐོག་མཐའ་མེད་པའི་ནམ་མཁའ་ལ།། རིག་མེད་སྟོང་པ་ཡིན
89a3 པའི་ཕྱིར།། དཔེ་རུ་ཟབ་སྟེ་དོན་དུ་མེད།། དེ་ཡང་རྡོ་རྗེ་སེམས་དཔའ་ཉོན།། དེ་བཞིན་ངོ་བོའི་གནས་ལུགས་ནི།། འཁོར་འདས་མ་རེག་སྔར་བཞིན་འདུས།། སངས་རྒྱས་གཉིས་སུ་མེད་པ་ཡི།། འཁོར་འདས་གཉིས
89a4 ཀྱི་གཞི་གྱུར་པ།། མ་ཡེངས་པར་ནི་ཡོད་གྱུར་ཀྱང་།། དོན་གྱིས་མ་ཟིན་རང་སྣང་སེམས།། ངོས་མ་ཟིན་ཞིང་ཤན་མ་ཕྱེད།། འགྲོ་འོང་མེད་པར་རྒྱུན་དུ་གནས།། ཐོག་མཐའ་མེད་ཕྱིར་ངོ་མ་ཤེས།། ད་ལྟ་ཀུན་གཞི
89a5 སེམས་ལ་གནས།། འདུས་མ་བྱས་ཕྱིར་སྐྱེ་འཇིག་མེད།། སེམས་ཅན་ཀུན་གྱི་རྟེན་གནས་གཞི།། མོས་གུས་མེད་ཕྱིར་རྟོགས་པར་དཀའ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང
89a6 མཉམ་པའི་རྒྱུད་ལས། གཞི་ཡི་དཔེ་དོན་བསྟན་པའི་ལེའུ་སྟེ་གོ་དྲུག་པའོ།། །། དེ་ནས་ཀུན་རིག་སྟོན་པ་ཡིས།། དང་པོ་སངས་རྒྱས་རྟོགས་ཚུལ་ནི།། དད་ལྡན་འདུས་པའི་འཁོར་རྣམས་ལ།། ང་ཡིས་རྟོགས
iiif viewer powered by OpenSeadragon
