| e-texts navigator |
| Wylie |
88b1 ངོ་བོ་ཉིད་ཀྱི་སྐུ།། ཀུན་ཏུ་བཟང་པོའི་ཆོས་དྲུག་གིས།། འཁྲུལ་མ་མྱོང་ལ་རྟོགས་པའི་ཕྱིར།། ཡེ་ཤེས་རང་བྱུང་དུས་མཉམ་འཛོམ།། དེ་ཡང་རྡོ་རྗེ་སེམས་དཔའ་ཉོན།། ད་ལྟ་སྐྱེ་ཤིའི་བར་དོ་ལ།། ལུང་ལྡན་ངེས་པའི
88b2 གདམས་ངག་གིས།། ཡུལ་སེམས་གཞི་ལ་མེད་པའི་དོན།། ཤེས་རབ་རྣམ་གསུམ་ལས་བྱུང་བའི།། ལྷག་མཐོང་རིག་པའི་ཡེ་ཤེས་ཤར།། ཡེ་ནས་རྒྱུ་དང་རྐྱེན་མེད་ཕྱིར།། རང་བྱུང་རིག་པའི་རྒྱལ་པོ་དེ།། ལུང་ལྡན
88b3 ངེས་པའི་གདམས་ངག་གིས།། ཡེ་ནས་རང་བྱུང་རིག་པ་ལ།། ཤེས་ནས་ལུང་ལྡན་དོན་གོ་བ།། དེ་ཕྱིར་དེ་ཉིད་འཛོམ་པ་ཡིན།། ད་ཡང་འདུས་པའི་སྙིང་པོ་ཉོན།། གཞི་དང་ངེས་ལུང་འཛོམ་པ་ལ།། གོལ་དང་སྒྲིབ་པའི
88b4 སེམས་མེད་ཤེས།། དེ་ཕྱིར་རྟོག་པ་མངོན་གྱུར་ནི།། མར་གྱི་ཡང་ཞུན་ལྟ་བུར་གསུངས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། རང་བྱུང་ཡེ་ཤེས་འཛོམ
88b5 པར་བསྟན་པའི་ལེའུ་སྟེ་གོ་ལྔ་པའོ།། །། སྡོམ་དུ་བསྡུས་ཏེ་བསྟན་པ་ཉི་ཤུ་པའོ།། །། དེ་ནས་རྡོ་རྗེ་སེམས་དཔའ་ཡིས།། ཆེད་དུ་གསུངས་པའི་དོན་གོ་ནས།། འཁོར་རྣམས་ལ་ནི་བརྩེར་དགོངས་ཏེ།།
88b6 རྫོགས་སངས་རྒྱས་ལ་འདི་སྐད་གསོལ།། གཞིའི་ངེས་དོན་གང་གིས་མཚོན།། དང་པོ་སངས་རྒྱས་ཇི་ལྟར་བྱུང་།། དེ་ཡི་བྱིན་རླབས་ཇི་ལྟར་བླང་།། ལམ་དེ་ཚིག་གིས་ཇི་སྐར་མཚན།། རྫོགས་སངས་རྒྱས་ཀྱིས་བཤད
iiif viewer powered by OpenSeadragon
