| e-texts navigator |
| Wylie |
87a1 དམྱལ་བར་ངན་འགྲོ་རྟག་ཏུ་འཁྱམས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ལྟུང་བའི་སྒོ་དགུ་བསྟན་པའི་ལེའུ་སྟེ་གོ་གཅིག་པའོ།། སྡོམ
87a2 དུ་བསྡུས་ཏེ་བསྟན་པ་བཅུ་དགུ་པའོ།། །། དེ་ནས་འདུས་པའི་ཚོགས་རྣམས་ཀྱིས།། ཀུན་རིག་སྟོན་པ་ཆོས་རྗེ་ལ།། ལམ་གྱི་དབྱེ་བ་ཞུ་བའི་ཕྱིར།། བདེན་པའི་ཡིད་ཀྱིས་འདི་སྐད་གསོལ།། ཡེ་ཤེས་མེད
87a3 པའི་རང་བྱུང་གང་།། གཉིས་ཀ་མེད་པ་གང་གི་བློ།། རང་བྱུང་ཡེ་ཤེས་འཛོམ་པ་གང་།། དེ་སྐད་ཅེས་ནི་ཞུས་པ་ཡིས།། དོན་གསན་འཁོར་ལ་བཀའ་སྩལ་པ།། རང་བྱུང་ཡེ་ཤེས་ཆེན་པོ་ཡིས།། ཡིན་མིན་དབྱེ་བ་ངས
87a4 བཤད་ཀྱི།། ཡིད་ཀྱིས་ཉོན་ལ་ལེགས་པར་ཟུང་།། ཡེ་ཤེས་མེད་པས་རང་བྱུང་དེས།། འཁོར་འདས་གཉིས་ཀྱི་གཞིར་གྱུར་པ།། རང་བཞིན་ལུས་ལ་མཛད་སྤྱོད་མེད།། སྟོང་གསལ་རིག་པ་ཁྱབ་གད་ལ་དེ།། རྒྱུ་རྐྱེན་མ
87a5 བསྐྱེད་རང་བྱུང་སྟེ།། རིག་དང་མ་རིག་ཡེངས་མ་ཡེངས།། གང་དུ་ཡང་ནི་ངོས་མ་ཟིན།། ལུང་ལྡན་མེད་ཕྱིར་ཡེ་ཤེས་ལ།། འཁོར་འདས་པར་དོར་རང་འབྱུང་སྟེ།། གང་ཡིན་ཆ་མེད་ཤེས་པ་གཅིག། ཤན་མ་ཕྱེད་ཅིང
87a6 ངོས་མ་ཟིན།། རང་ལ་རང་གི་དོན་མ་རྟོགས།། སྔོན་གྱི་ལྷུན་གྲུབ་དོན་གྱི་གཞི།། ཆོས་རྣམས་ཀུན་གྱི་རྩ་བ་སྟེ།། རང་ལ་ཡེ་ཤེས་ཡོད་མོད་ཀྱང་།། མ་རྟོགས་ཕྱིར་ན་ཡེ་ཤེས་མེད།། མ་རིག་མ་གོལ་སེམས་ཅན་མིན།།
iiif viewer powered by OpenSeadragon
