| e-texts navigator |
| Wylie |
85a1 མཁའ་དང་མཉམ་པའི་རྒྱུད་ལས། རྟོགས་པར་བྱ་བའི་དམ་ཚིག་ཉམས་པའི་ཉེས་དམིག་བསྟན་པའི་ལེའུ་སྟེ་གྱ་བདུན་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན
85a2 པས་བཀའ་སྩལ་པ།། ཆེད་དུ་བྱས་པའི་དམ་ཚིག་ནི།། ལུང་ལྡན་བླ་མ་དྲིན་ཆེན་ལ།། བརྙས་ཤིང་ངན་སེམས་བསྐྱེད་བྱས་ན།། རྡོ་རྗེ་དམྱལ་བར་ཐར་མེད་ལྟུང་།། ཆ་མེད་དུག་ནི་འཐུང་བ་འདྲ།། གྲོགས་ལ་ཕྲག་དོག
85a3 གདུག་བྱེད་པ།། མཆེད་ལྕམ་ཐུགས་དཀྲུག་ཉེས་བྱས་ཏེ།། ཅི་བསམ་མི་འགྲུབ་བསྲེག་ཅིང་སྒྲིབས།། རྒྱབ་བརྟེན་མེད་པའི་མི་དང་འདྲ།། སྦས་པ་གཞན་ལ་བཤད་པ་ན།། ཡུན་རིང་ནད་ཐེབས་རྫས་དང་བྲལ།། ཕྱི་མ
85a4 ན་རག་དམྱལ་བར་ལྟུང་།། ངོ་མ་ཤེས་པར་གཉེན་གསོད་འདྲ།། རྣལ་འབྱོར་ཁས་འཆེས་ལེ་ལོ་ཅན།། དབང་པོ་ཡུལ་ལ་ཡེངས་པའི་ཕྱིར།། ཞི་གནས་ལྷག་མཐོང་གང་ཡང་མེད།། བྱིའུ་ཕྲ་སྙི་ལ་ཟིན་པ་འདྲ།། ངེས་པའི
85a5 གདམས་ངག་ཁྱད་བསད་ནས།། བསྒྲུབས་རྟགས་ཕྲ་མོ་དམ་པར་བལྟ།། རང་གིས་རང་ཕུང་བྱེད་པའི་མི།། ཉེས་མེད་རྒྱལ་པོས་ཆབ་བསྐུལ་འདྲ།། དོན་བོར་འཁོར་ལ་གདུང་དྲག་པ།། ཞེན་པའི་ཆོས་ལ་དམ་པར
85a6 འཛིན།། གཉེན་པོ་མེད་ཕྱིར་རང་རྒྱུད་གོལ།། བོང་རྒན་རྫབས་སུ་ཆུད་པ་འདྲ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། དམ་ཚིག་ཆེད་དུ་མ་བྱས་པའི་སྐྱོན
iiif viewer powered by OpenSeadragon
