| e-texts navigator |
| Wylie |
84b1 དོན་རྒྱུད་ཀྱི་མན་ངག་ནི།། མཁྱེན་དུ་རེ་བས་ཁ་ཚབས་བྱེད།། ཕྱི་མ་རྡོ་རྗེ་དམྱལ་བར་ལྟུང་།། དབང་མེད་སྔགས་སྤྱོད་སྡིག་པ་ཆེ།། དེ་ཕྱིར་བཀའ་ལ་དམ་པར་དགོས།། རྫོགས་པ་ཆེན་པོ་ངེས་དོན་ཐམས་ཅད
84b2 འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། དབང་མ་མནོས་པའི་ཉེས་དམིགས་བསྟན་པའི་ལེའུ་སྟེ་གྱ་དྲུག་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་ཆོས་ཀྱི་རྒྱལ་པོ་ཡིས།།
84b3 རྟོགས་ཐབས་མེད་པའི་ཉེས་དམིགས་ནི།། འདུས་པའི་འཁོར་ལ་བཀའ་སྩལ་པ།། རང་ལ་ཡོད་པར་གཞན་བཙལ་ན།། མཐའ་ལས་འདས་པའི་སྐྱོན་དུ་འགྱུར།། སྡུག་བསྔལ་འབའ་ཞིག་བདེ་བ་མེད།། ཁྱུང་ཕྲུག་ནམ
84b4 མཁའི་མཐའ་འཚོལ་འདྲ།། འཁྲུལ་གཞི་ངོ་ནི་མ་ཤེས་པར།། དུག་ལྔ་སྤང་ནས་བདེ་ཚོལ་བ།། འཁྲུལ་པ་ཡིན་ཕྱིར་རྙེད་མི་འགྱུར།། ཆུར་འཁྲུལ་སྨིག་རྒྱུ་རྙོག་པ་འདྲ།། མ་རིག་རྩ་བ་མཆོད་པར།། དུག་ལྔ་ཆོས་ཉིད
84b5 ཡིན་ཟེར་བ།། ཕོ་ཚོད་བལྟ་བ་བདུད་ཡིན་ཕྱིར།། དུག་ཉིད་སྨན་དུ་བྱེད་པ་འདྲ།། གཞི་ལ་འཁོར་མེད་མ་ཤེས་པར།། རྩོལ་སྒྲུབ་དད་པ་ཆེར་བསྐྱེད་དང་།། གཉེན་པོས་དུག་ལྔ་གྲོལ་འདོད་ནི།། རྭ་ལ་འོ་མ་འཇོ་བ
84b6 འདྲ།། ལུང་ལྡན་ངེས་པའི་དོན་མེད་པར།། བསྒོམ་མེད་བྱས་པའི་ང་རྒྱལ་ཅན།། ལྷག་མཐོང་མེད་ཕྱིར་དོན་ལས་གོལ།། ཞ་བོས་རི་རྩེ་བསྙེག་པ་འདྲ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ
iiif viewer powered by OpenSeadragon
