| e-texts navigator |
| Wylie |
84a1 པ་དབྱེར་མེད་འདོད་པ་དེས།། རྩོལ་སྒྲུབ་ཏིང་འཛིན་ཅི་བསྒོམ་ཀྱང་།། རིན་འཛིན་མི་ཐོབ་རུ་དྲར་སྐྱེ།། དེ་ཡང་འཁོར་གྱི་སྙིང་པོ་ཉོན།། དེ་དག་བརྟགས་པའི་འབྲས་བུ་ཀུན།། རྣམ་པ་དུ་མ་ཡོད་གྱུར
84a2 ཀྱང་།། མི་རྟོག་ཆོས་སྤྱོད་ཅི་བྱས་ཀྱང་།། མི་གྲོལ་འཆིང་བའི་རྨྱ་རུ་འགྱུར།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས།
84a3 འབྲས་བུའི་གོལ་ས་བསྟན་པའི་ལེའུ་སྟེ་གྱ་ལྔ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་ཆོས་ཀྱི་རྒྱལ་པོ་ཡིས།། དམ་ཚིག་ཉམས་པའི་དབྱེ་བ་ནི།། ཆེད་དུ་དགོངས་ནས་བཀའ་སྩལ་པ།།
84a4 ཉམས་པའི་ཉེས་དམིག་རྣམ་དྲུག་ནི།། ཁྱོད་ལ་བཤད་ཀྱིས་ཡིད་ཀྱིས་ཉོན།། ཉན་པའི་དབང་ནི་མ་མནོས་པར།། གསང་སྔགས་རྒྱུད་ནི་ཉན་པ་ན།། ཚེ་ཐུང་བར་ཆད་སྣ་ཚོགས་འོང་།། ནལ་བུས་བློན་གྲལ་མི་ཟིན།
84a5 འདྲ།། ལུང་ལྡན་འཆད་པའི་དབང་མེད་པར།། གསང་སྔགས་ཐེ་ཚོམ་བཤད་གྱུར་ན།། སྨྱོ་དང་འབོགས་པའི་ནད་ཟིན་ནས།། ཕྱི་མ་ལྕེ་རྨོ་དམྱལ་བར་ལྟུང་།། བསྒོམ་བསྒྲུབ་དབང་ནི་མ་མནོས་པར།། དམ་རྫས
84a6 བསོགས་ནས་སྒྲུབ་བྱེད་པ།། ཡི་དྭགས་འདྲེ་བཀྲེན་མྱོང་བར་འགྱུར།། གདོལ་པས་རྒྱལ་ས་མི་ཟིན་འདྲ།། ད་ཡང་རྡོ་རྗེ་སེམས་དཔའ་ཉོན།། ལུང་ལྡན་ངེས་པའི་བླ་མ་ལ།། དབང་མ་མནོས་པར་མཁས་སུ་རེ།། ངེས
iiif viewer powered by OpenSeadragon
