| e-texts navigator |
| Wylie |
83b1 ཡང་འདུས་པའི་སྙིང་པོ་ཉོན།། བྱ་བ་མ་ལུས་ཐམས་ཅད་ནི།། གང་བྱས་རེ་དོགས་ཡོད་པའི་ཕྱིར།། ཅི་སྤྱོད་བདུད་དུ་འགྲོ་བར་ངེས།། དེ་ཕྱིར་སྤྱོད་པ་ཆེད་དུ་འགལ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ།།
83b2 ཡེ་ཤེས་ནམ་མཁའ་དང་མཉམ་པའི་རྒྱུད་ལས། སྤྱོད་པའི་གོལ་ས་བསྟན་པའི་ལེའུ་སྟེ་གྱ་བཞི་པའོ།། །། དེ་ནས་འདུས་པའི་ཚོགས་རྣམས་ལ།། འབྲས་བུའི་གོལ་ས་བཀའ་སྩལ་པ།། ལྷ་དང་མི་ཡི་འབྲས་བུ
83b3 དེ།། བསྙེན་གནས་སྡོམ་པ་ལ་བརྟེན་ནས།། བསོད་ནམས་ཚོགས་ནི་བསགས་གྱུར་ཀྱང་།། ཡིད་སྨོན་བྱེད་ཕྱིར་དོན་ལས་གོལ།། ད་ཡང་འདུས་པའི་སྙིང་པོ་ཉོན།། མུ་སྟེགས་རྟག་པའི་འབྲས་བུ་ཡང་།། མཐུ་ཆེན
83b4 མངོན་ཤེས་རྣོ་མྱུར་ཀྱང་།། བདག་ཏུ་ལྟ་ཕྱིར་འཁོར་བའི་རྒྱུ།། སྡུག་བསྔལ་འབའ་ཞིག་ཐར་པ་མེད།། ཉན་ཟོས་རང་རྒྱལ་འབྲས་བུ་ཡང་།། དཀའ་ཐུབ་མཐར་ཕྱིན་བདེན་སྤྱོད་ཀྱང་།། ཆོས་ལ་བདག་མེད་ཞེན་པའི
83b5 ཕྱིར།། འབྲས་བུ་ཅི་ཐོབ་ལྷ་མི་ཙམ།། མཚན་ཉིད་ཐེག་པ་རྣམ་གཉིས་ཀྱང་།། མཐའ་བྲལ་ཞེན་འདོད་དོན་ལ་གོལ།། དུས་ལ་ལྟོས་ཕྱིར་སྒྲིབ་སྦྱངས་པས།། འབྲས་བུ་མི་ཐོབ་སྙིང་རྗེའི་གནས།། དེ་ཡང་རྡོ་རྗེ་སེམས
83b6 དཔའ་ཉོན།། ཕྱི་རྒྱུད་རྣམ་གསུམ་འབྲས་བུ་ཡང་།། རང་བྱུང་སྙིང་པོ་མ་ཤེས་པས།། དངོས་གྲུབ་གཞན་ནས་རེ་བའི་ཕྱིར།། སངས་རྒྱས་མི་འབྱུང་རེ་དོགས་མཐའ།། བསྐྱེད་རྫོགས་རྣམ་གཉིས་འབྲས་བུ་ཡང་།། འདོད
iiif viewer powered by OpenSeadragon
