| e-texts navigator |
| Wylie |
83a1 མཉམ་པའི་རྒྱུད་ལས། བསྒོམ་པའི་གོལ་ས་བསྟན་པའི་ལེའུ་སྟེ་གྱ་གསུམ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་ཆོས་ཀྱི་རྒྱལ་པོ་ཡིས།། སྤྱོད་རྩིང་ཉེས་དམིགས་བཀའ་སྩལ
83a2 པ།། གསང་སྔགས་གསང་བའི་སྒོར་ཞུགས་ནས།། རང་གིས་མ་རྟོགས་གཞན་ལ་འཆད།། མཁས་པ་སྨོད་ཅིང་མཉམ་ལ་འགྲན།། དྲེགས་ཤིང་ང་རྒྱལ་མཁས་འདོད་ནས།། ཚིག་ཙམ་ཆོས་ལ་ཁུངས་ཕྱུང་སྟེ།། རྩལ
83a3 བཤད་ཐེ་ཚོམ་གཞུང་ཉམས་བྱེད།། ཕྱི་མ་དམྱལ་བ་ཆེན་པོར་ལྟུང་།། དེ་ཡང་རྡོ་རྗེ་སེམས་དཔའ་ཉོན།། རྩལ་དང་སྟོབས་ནི་ཡོད་གྱུར་ཀྱང་།། ལུས་ཀྱི་སྤྱོད་པ་མ་བསྲུངས་པས།། ཐོ་ཚོ་སྤྱོད་པའི་ལས་བྱས་ན།། འབྲས
83a4 བུ་སྡུག་བསྔལ་རྐྱེན་དུ་འགྱུར།། ཡིད་ཀྱི་དྲན་པས་མ་བཟུང་བས།། ངག་གི་འཆལ་པ་སྨྲས་གྱུར་པས།། གཞན་གྱིས་ཆོས་ལ་སྒྲོ་སྐུར་འབྱུང་།། ཕྱི་མར་ཚ་བའི་དམྱལ་བར་སྐྱེ།། ལྟ་བའི་དྲན་པས་གཟུང་མེད་པར།། ཡིད
83a5 ཀྱི་སྤྱོད་པ་མ་བསྲུངས་པར།། བདག་ཏུ་རྟོག་པའི་གཟུང་འཛིན་གྱིས།། ཕྱི་མར་མུན་པའི་སྐྱེ་མཆེད་ལྟུང་།། དེ་ཡང་རྡོ་རྗེ་སེམས་དཔའ་ཉོན།། དེ་བཞིན་ལུས་ངག་ཡིད་ཀྱིས་ཀྱང་།། དོན་མ་གོ་བར་སྤྱོད་གཟབ་སྟེ།། བྲན
83a6 མོའི་ཚུལ་དུ་བྱས་གྱུར་ཀྱང་།། ཚུལ་འཆོས་ཡིན་ཕྱིར་དོན་ལས་གོལ།། དེ་ཕྱིར་ངེས་དོན་མ་རྟོགས་ན།། ཅི་སྤྱོད་ནོར་ཕྱིར་སྐྱོན་ཆེ་བས།། མ་རྟོགས་དགེ་སྡིག་གང་སྤྱོད་ཀྱང་།། འཁོར་བའི་མཐར་ནི་ལྟུང་བར་ངེས།། ད
iiif viewer powered by OpenSeadragon
