| e-texts navigator |
| Wylie |
82b1 བསྒོམ་པས་རྫོགས་ཆེན་འགྱུར།། བྱུང་ཚོར་བཀག་པས་དོན་ཡིན་ན།། རང་རྒྱལ་བསྒོམ་པས་རྫོགས་ཆེན་འགྱུར།། དེ་ཡང་འདུས་པའི་སྙིང་པོ་ཉོན།། ཆོས་ལ་བདག་མེད་མི་གཡོ་བ།། རང་བཞིན་མེད་ཕྱིར་ཡིད་ལ
82b2 དྲན།། ཞི་གནས་བསམ་གཏན་དོན་ཡིན་ན།། ལྷག་མཐོང་བཀའ་ལ་དོན་མེད་འགྱུར།། འདུ་ཤེས་བཟུང་བ་དོན་ཡིན་ན།། སྐྱེ་མཆེད་མུ་བཞི་ཅི་ལས་གོལ།། སེམས་ཀྱི་བཞག་ཐབས་བློ་འཇུག་ན།། འབྱུང་འཇུག་ཡོད
82b3 ཕྱིར་ཅི་ལ་རྫོགས།། རྟོགས་དང་མི་རྟོགས་འདྲེས་གྱུར་ན།། འཁོར་འདས་གཉིས་བསྒོམ་ཅི་ལ་རིག། རྟག་ཆད་གཉིས་ལ་མི་རྟོག་པས།། མ་ནོར་དོན་ལ་རེག་གྱུར་ན།། དབུ་མ་རྫོགས་ཆེན་ཅི་ལ་ཡིན།། ད་ཡང་འདུས
82b4 པའི་སྙིང་པོ་ཉོན།། འཇིག་རྟེན་དགའ་བདེ་མི་གཡོ་བ།། འཁོར་འདས་མི་རྟོག་རྒྱུ་མེད་ན།། ས་རྡོ་ཤིང་ཡང་རྟོག་པར་འགྱུར།། རྟོག་དཔྱོད་འདས་པས་དོན་རེག་ན།། བསམ་གཏན་གསུམ་སོགས་ཅི་ལ་གོལ།། སྣང་བ
82b5 འདི་ལ་མི་རྟོག་ཙམ།། དེས་ནི་རྣལ་འབྱོར་དོན་རེག་ན། ཡུལ་འདི་འཁྲུལ་པར་ཅི་ལ་འཇོག། སྟོང་པས་དོན་ལ་རེག་གྱུར་ན།། རྒྱུ་དང་འབྲས་བུ་སྟོང་པའི་ཕྱིར།། ཆད་པ་ཡིན་ཕྱིར་གོལ་སར་བཤད།། དེ་ཡང་རྡོ
82b6 རྗེ་སེམས་དཔའ་ཉོན།། ཕྱོགས་མཐུན་བདུད་དང་འདྲ་བ་ལས།། ཞེན་པ་སྤངས་ཕྱིར་བསྒོམ་པ་མིན།། དེ་ཕྱིར་མཚོ་དབུས་གྲུ་ཞིག་འདྲ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང
iiif viewer powered by OpenSeadragon
