| e-texts navigator |
| Wylie |
82a1 སྤོངས།། རིས་སུ་འབྱེད་པའི་དབྱེ་བ་སྤང་།། ཡོད་མེད་འཇལ་བའི་རྒྱུ་འབྲས་སྤང་།། བློ་ཡིས་གཞི་ཉིད་འཆོས་པའི་ཕྱིར།། ཉན་ཐོས་རང་རྒྱལ་གོལ་སར་གསུངས།། དེ་ཡང་རྡོ་རྗེ་སེམས་དཔའ་ཉོན།།
82a2 ཆོས་རྣམས་སེམས་སུ་སྡུད་པའི་ཕྱིར།། ཡུལ་སེམས་གཉིས་མེད་འདོད་པ་དང་།། སེམས་ཉིད་རང་སྣང་འདོད་པ་དང་།། ཡུལ་སེམས་སྟོང་པར་འདོད་པ་དང་།། ཅིར་ཡང་ཁས་མི་ལེན་པའི་ཕྱིར།། དབུ་མ་སེམས་ཙམ
82a3 ལྟ་བ་ཡི།། སྡུག་པའི་རྟོག་པ་གོལ་བར་བཤད།། ད་ཡང་འདུས་པའི་སྙིང་པོ་ཉོན།། ཕྱི་ཡི་འབྱུང་བ་རྣམ་ལྔ་ནི།། རྒྱུ་དང་རྐྱེན་ལས་འབྱུང་བའི་ཕྱིར།། གཞན་འབྱུང་ཡིན་ཕྱིར་ཡེ་ཤེས་མིན།། དེ་ཕྱིར་ཆོས་དབྱིངས་གོལ
82a4 སར་གསུངས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། སྣང་བ་ཆོས་དབྱིངས་ཀྱི་གོལ་ས་བསྟན་པའི་ལེའུ་སྟེ་གྱ་གཉིས་པའོ།། །། དེ་ནས་འདུས་པའི
82a5 ཚོགས་རྣམས་ལ།། ཀུན་རིག་ཆོས་ཀྱི་རྒྱལ་པོ་ཡིས།། བསྒོམ་པའི་གོལ་ས་བཀའ་སྩལ་པ།། གང་ཟག་བདག་མེད་མི་གཡོ་དང་།། ཆོས་ལ་བདག་མེད་མི་གཡོ་དང་།། འཇིག་རྟེན་དགའ་བདེ་མི་གཡོ་དང་།། ཏིང་འཛིན
82a6 ཆོས་སྐུའི་གོལ་སར་གསུངས།། དེ་ཡང་འདུས་པའི་སྙིང་པོ་ཉོན།། གང་ཟག་བདག་མེད་མི་གཡོ་བ།། ཚོགས་དྲུག་འགགས་ཀྱང་སྐད་ཅིག་མ།། ང་རྒྱལ་ཡིན་ཕྱིར་དོན་མ་རེག། སྒོ་ལྔ་བཀག་པ་དོན་ཡིན་ན།། ཉན་ཐོས
iiif viewer powered by OpenSeadragon
