| e-texts navigator |
| Wylie |
80a1 མེ་ཞེས་མིང་དུ་བཏགས་པ་ཡང་།། ཀུན་སློང་ཞེ་སྡང་བརྟས་པ་ཡིན།། རྡོ་སྟག་འཕྲོས་པས་དུས་ཀྱི་མེས།། འཇིག་རྟེན་མ་ལུས་ཀུན་བསྲེགས་ཀྱང་།། དཔེ་རུ་ཟབ་ཀྱང་དོན་དུ་མེད།། ཐབས་སྲིད་ཕྱིར་ནི
80a2 འདུས་བྱས་ཏེ།། ངེས་དོན་སྙིང་པོ་མེ་ལ་མེད།། དེ་ཡང་འདུས་པའི་སྙིང་པོ་ཉོན།། ནམ་མཁའ་ཞེས་ནི་བཏགས་པ་ཡང་།། ནམ་མཁའི་སྙིང་པོ་ཉི་ཟླ་ཡིན།། ནམ་མཁའ་ཞེས་ནི་བཏགས་པ་ཡང་།། རྒྱ་དང་རིས་སུ་མ
80a3 ཆད་པར།། དངོས་མེད་ཀུན་ཁྱབ་མཐའ་དབུས་མེད།། འབྱུང་བཞིའི་སྣོད་དུ་དེ་ཟབ་ཀྱང་།། དཔེ་རུ་ཟབ་ཀྱང་དོན་དུ་མེད།། ཉི་ཟླ་འཆར་ནུབ་རྐྱེན་གྱིས་གོས།། དེ་ཕྱིར་རྐྱེན་ལས་བྱུང་བའི་ཕྱིར།། ནམ་མཁའ་རིས་མེད
80a4 ཆོས་སྐུ་མིན།། སྙིང་པོ་ལྔ་ཡང་རྟོགས་པའི་ཐབས།། དེ་ཡོད་དགོངས་པའི་ངེས་དོན་འདི།། ཚིག་མེད་གོལ་ས་ཤུགས་ལས་ཆོད།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི
80a5 རྒྱུད་ལས། འབྱུང་བའི་སྙིང་པོ་ངོས་བཟུང་བ་བསྟན་པའི་ལེའུ་སྟེ་དོན་དགུ་པའོ།། །། དེ་ནས་འདུས་པའི་ཚོགས་རྣམས་ལ།། ཆོས་ཀྱི་སྙིང་པོ་བཀའ་སྩལ་པ།། ཉན་ཐོས་རང་རྒྱལ་མདོ་སྡེ་དང་།། ཀྲི་ཡ་ཡོ་ག་ཨུ
80a6 པ་རྣམས།། དྲང་དོན་བསླུ་བྲིད་ཆོས་ཡིན་ཕྱིར།། ཐེག་བརྒྱད་ཟབས་ནི་ཆེ་ཡང་ནི།། ངེས་དོན་ཆོས་ཀྱི་སྙིང་པོ་མིན།། དེ་ཡང་འདུས་པའི་སྙིང་པོ་ཉོན།། ཆོས་ཀྱི་སྙིང་པོ་རྫོགས་ཆེན་ནི།། རྒྱུ་རྐྱེན་མ་བསྐྱེད་འདུས་བྱས
iiif viewer powered by OpenSeadragon
