| e-texts navigator |
| Wylie |
7b1 ཏོག་ལ་ནི་ཐུགས་མཉེས་དེ།། ཞུས་པའི་ལན་དེ་བཀའ་སྩལ་པ།། ཆོས་ཉིད་ཡེ་ནས་འོད་གསལ་ལ།། རྣམ་སྨིན་ལུས་དང་མ་བྲལ་ཕྱིར།། ལོག་ནོན་གདམས་ངག་མེད་པ་ལ།། ཚོགས་བརྒྱད་རྐྱེན་གྱིས་བྱིང་རྒོད
7b2 འབྱུང་།། དེ་སྐད་ཅེས་ནི་གསུངས་པ་ཡིས།། རང་གིས་བསྒོམ་པས་ཐེ་ཚོམ་ཆོད།། ཞུ་བ་ཞུ་ཕྱིར་ངེས་པ་རྙེད།། དེ་ཕྱིར་ཏིང་འཛིན་མངོན་དུ་གྱུར།། དེ་ཡང་འདུས་པའི་སྙིང་པོ་ཉོན།། ནུབ་བྱང་འཁོར་མེད་ཞིང་ཁམས
7b3 ན།། སངས་རྒྱས་ཞི་བའི་དབང་པོ་དེ།། དད་ལྡན་ཉིད་ཀྱི་འཁོར་རྣམས་ལ།། བཙལ་མེད་འབྲས་བུ་རྒྱ་ཆེར་སྟོན།། དེ་ལ་བསྐོར་བ་བྱས་ནས་ནི།། ཡིད་ཆེས་པ་ཡིས་དད་པ་ཡིས།། ངེས་དོན་ཞུ་བའི་རྟེན་དུ་ཡང་།། སྦྲང
7b4 རྩི་ཕྲུ་བ་གང་ཕུལ་ནས།། དེ་ལ་ངེས་པའི་དོན་ཞུས་པ།། རང་རིག་ཀུན་གཞི་གཞི་ཆ་ནི།། ཡེ་ནས་རང་བྱུང་རྒྱུ་མེད་ལ།། འཕེལ་འགྲིབ་འབྱུང་བ་ཇི་ལྟར་ལགས།། དེ་སྐད་ཞུས་པས་དོན་གསན་ནས།། སངས་རྒྱས་ཞི
7b5 བའི་དབང་པོ་དེ།། སྦྲང་རྩི་ཕུལ་བས་ཐུགས་མཉེས་ནས།། ཞུས་པའི་ལན་དེ་བཀའ་སྩལ་པ།། རང་བྱུང་ཡེ་ཤེས་སྙིང་པོ་ལ།། འཕེལ་འགྲིབ་ཡོད་པ་མ་ཡིན་ཏེ།། མ་རིག་མུན་པ་མ་སེལ་ཕྱིར།། ཀུན་གཞིའི་རྐྱེན་གྱིས
7b6 འཕེལ་འགྲིབ་བྱུང་།། དེ་སྐད་ཅེས་ནི་གསུངས་པ་ཡིས།། འཕེལ་འགྲིབ་མེད་པར་ཐེ་ཚོམ་ཆོད།། ཞུ་བ་ཞུས་ནས་ངེས་པ་རྙེད།། དེ་ཕྱིར་ཡེ་ཤེས་མངོན་དུ་གྱུར།། དེ་ཡང་འདུས་པའི་སྙིང་པོ་ཉོན།། བྱང་ཤར་ལས་དག
iiif viewer powered by OpenSeadragon
