| e-texts navigator |
| Wylie |
7a1 ཆོས་རྣམས་སྟོན།། དེ་ལ་བསྐོར་བ་བྱས་ནས་ནི།། ཀུན་ནས་རང་རིག་དད་པ་ཡིས།། ངེས་དོན་ཞུ་བའི་རྟེན་དུ་ཡང་།། དཔག་བསམ་ཤིང་གི་འབྲས་བུ་ཕུལ།། དེ་དོན་ཡང་དག་དོན་ཞུས་པ།། ཡེ་ནས
7a2 རང་བྱུང་སྙིང་པོ་དེ།། ཆོས་ཉིད་ཡེ་ནས་རང་ཆས་ལ།། ཐོས་བསམ་དགོས་པ་ཇི་ལྟར་ལགས།། དེ་སྐད་ཞུས་པའི་དོན་གསན་ནས།། སངས་རྒྱས་རྒྱལ་བའི་དབང་པོ་དེ།། དཔག་བསམ་འབྲས་བུས་ཐུགས་མཉེས་ཏེ།།
7a3 ཞུས་པའི་ལན་དེ་བཀའ་སྩལ་པ།། ཡེ་ནས་ཆོས་ཉིད་རང་ཆས་ལ།། ཐོས་བསམ་དགོས་པ་མ་ཡིན་ཏེ།། མ་རིག་མུན་པ་བསལ་བའི་ཕྱིར།། ལུང་ལྡན་རྐྱེན་གྱིས་ཡིད་ཆེས་བསྐྱེད།། དེ་སྐད་ཅེས་ནི་གསུངས་པ་དང་།།
7a4 ཐོས་བསམ་དགོས་པར་ཐེ་ཚོམ་ཆོད།། ཞུ་བ་ཞུས་ཕྱིར་ངེས་པ་རྙེད།། དེ་ཕྱིར་ཡེ་ཤེས་མངོན་དུ་གྱུར།། དེ་ཡང་འདུས་པའི་སྙིང་པོ་ཉོན།། ལྷོ་ནུབ་རྣམ་དག་ཞིང་ཁམས་ན།། སངས་རྒྱས་བསོད་ནམས་སྙིང་པོ་དེས། དད
7a5 ལྡན་རང་གི་འཁོར་རྣམས་ལ།། བཙལ་མེད་འབྲས་བུའི་ཆོས་རྣམས་སྟོན།། དེ་ལ་བསྐོར་བ་བྱས་ནས་ནི།། ཀུན་ནས་ཤེས་རབ་དད་པ་ཡིས།། ངེས་དོན་ཞུ་བའི་རྟེན་དུ་ནི།། ཤིང་ཏོག་པ་མེན་ར་གང་ཕུལ།། དེ་ལ
7a6 དགོས་པའི་དོན་ཞུས་པ།། ཡེ་ནས་རྒྱུན་གྱི་ཏིང་འཛིན་གྱིས།། ཆོས་ཉིད་ཡེ་ནས་འོད་གསལ་ལ།། བྱིང་རྒོད་འབྱུང་བ་ཇི་ལྟར་ལགས།། དེ་སྐད་ཞུས་པས་དོན་གསན་ནས།། སངས་རྒྱས་བསོད་ནམས་སྙིང་པོ་དེ།། ཤིང
iiif viewer powered by OpenSeadragon
