| e-texts navigator |
| Wylie |
79b1 ཡང་མེས་པོ།། འཁོར་འདས་མེད་པའི་དོན་འདི་ཡོད།། དེ་ཕྱིར་རང་བྱུང་ངོ་བོ་ཉིད།། འཁོར་འདས་ཀུན་གྱི་སྙིང་པོར་བཤད།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི
79b2 རྒྱུད་ལས། འཁོར་འདས་ཀྱི་སྙིང་པོ་ངོས་བཟུང་བར་བསྟན་པའི་ལེའུ་སྟེ་དོན་བརྒྱད་པའོ།། །། དེ་ནས་ཀུན་རིག་སྟོན་པ་ཡིས།། འབྱུང་བའི་སྙིང་པོ་བཀའ་སྩལ་པ།། ས་ཡི་སྙིང་པོ་གསེར་ཡིན་ཏེ།། ས་ཞེས་མིང
79b3 དུ་བཏགས་པ་ནི།། བཟུང་བ་བརྟས་པས་སྲ་ཞིང་བརྟན།། དེ་ལ་རྩི་ཐོག་ཐམས་ཅད་སྐྱེ།། སྙིང་པོར་གསེར་འོང་འདོད་དགུ་འབྱུང་།། འབྱུང་ཡང་རང་བྱུང་ཆོས་སྐུ་མིན།། དེ་ཕྱིར་མཚོན་པའི་དཔེ་ཟབ་ཀྱང་།། ངེས་དོན
79b4 སྙིང་པོ་མ་ཡིན་ནོ།། དེ་ཡང་འདུས་པའི་སྙིང་པོ་ཉོན།། ཆུ་ཡི་སྙིང་པོ་ག་པུར་ཤེལ།། ཆུ་ཤེལ་མིང་དུ་བཏགས་པ་ཡང་།། འཛིན་པ་བརྟས་པས་གཤེར་བ་སྡུད།། དེ་བཞིན་ཐམས་ཅད་དག་པར་བྱེད།། ག་པུར་ཤེལ
79b5 ཚྭཚ་སྨན་བཞིན་དུ།། གང་ལ་ཕན་པའི་སྨན་ཡིན་ཏེ།། མཚོན་པའི་དཔེ་ནི་དེ་ཟབ་ཀྱང་།། ངེས་དོན་འབྲས་བུ་ཆུ་ལ་མེད།། རླུང་གི་སྙིང་པོ་དངས་སྙིགས་འབྱེད།། རླུང་ཞེས་མིང་དུ་བཏགས་པ་ཡང་།། ཞེན་པའི་བག
79b6 ཆགས་བརྟས་པ་ལས།། ཡང་ཞིང་འདེགས་པའི་སྟོབས་ལྡན་དེ།། མཚོན་པའི་དཔེ་རུ་ཟབ་གྱུར་ཀྱང་།། རླུང་ནི་རྐྱེན་ལས་འབྱུང་བ་སྟེ།། གཡོ་བསྐྱོད་སྐྱེ་འགག་བྱེད་པའི་ཕྱིར།། འབྱུང་བ་རླུང་ལ་བྱང་ཆུབ་མེ་དང་ཟིལ།།
iiif viewer powered by OpenSeadragon
