| e-texts navigator |
| Wylie |
75a1 ཡེ་ཤེས་སངས་རྒྱས་ཡིན།། དེ་ཡང་འདུས་པའི་སྙིང་པོ་ཉོན།། ལྷ་མེད་ཐབས་ཀྱི་བདེ་བ་ལ།། ཞེན་པའི་རྣལ་འབྱོར་པ་ཡིས་ནི།། དབང་གསུམ་པ་ཡི་བདེ་བ་ལ།། དགའ་བ་བཞི་རུ་མིང་བཏགས་ཏེ།།
75a2 འདོད་ཆགས་སྲེད་པའི་བདུད་ཞུགས་ནས།། བྱི་ཤུགས་ཕོ་མོ་ཀུན་འདུས་ནས།། ཐབས་ཀྱི་བདེ་བ་སྣ་ཚོགས་བྱེད།། ཞེན་པའི་ཆོས་ལ་དམ་པར་བལྟ།། ཐབས་ལམ་འདོད་ཆགས་མེ་ལྟར་སྐྱེ།། ཆགས་སྤྱོད་ཏིང་འཛིན
75a3 འཕེལ་སྙམ་ནས།། དེ་ཕྱིར་དབང་རྟེན་དགོས་ཟེར་བ།། འདོད་ཆགས་བདུད་ཀྱིས་རང་བསླུས་ལྟུང་།། ད་ཡང་རྡོ་རྗེ་སེམས་དཔའ་ཉོན།། ངེས་པའི་ལུང་མེད་རྣལ་འབྱོར་པས།། ཡོན་ཏན་བརྗོད་པ་སྙིང་ལ་གནས།།
75a4 ཐོས་བསམ་མ་བྱས་ང་རྒྱལ་གྱིས།། མཉམ་དུ་རེ་ནས་འགྲན་དོན་ཕྱིར།། སྨད་སེམས་ཞེ་སྡང་བདུད་ཞུགས་ཏེ།། རང་ཉམས་ངན་པས་གཞན་དག་གིས།། གདམས་ངག་ཅན་ལ་སྐུར་པ་འདེབས།། དེ་ཕྱིར་རང་ཕུང་དམ
75a5 ཚིག་ཉམས།། དོན་དང་ལྡན་ལ་གནོད་མི་ཚུག། དེ་ཕྱིར་དམ་ཉམས་ཞེ་སྡང་ཅན།། མི་སྡུག་ལས་ཀྱིས་མནར་ནས་ནི།། ཕྱི་མར་དམྱལ་བ་ཆེན་པོར་ལྟུང་།། ད་ཡང་རྡོ་རྗེ་སེམས་དཔའ་ཉོན།། ང་རྒྱལ་སྒྲོ་འདོགས་བདུད
75a6 བྱུང་ཚེ།། གང་ཟག་སྨད་ཕྱིར་ཆོས་ལ་སྨོད།། ཆེས་ཆུང་བྱེད་ཅིང་བཀའ་རྐུན་བྱེད།། བསོད་ནམས་ཆེ་ཆུང་དམྱལ་བར་ལྟུང་།། མན་ངག་གསང་ཐུབ་ཟིལ་གྱིས་གནོན།། ཡིད་ཆེས་རང་རིག་དོན་གྱིས་ཟིན།། ད་ལྟ་ཉིད་དུ
iiif viewer powered by OpenSeadragon
