| e-texts navigator |
| Wylie |
72a1 དྲན་པའི་གཟུངས་ཀྱིས་ཟིན།། རྣམ་རྟོག་རང་བཞིན་རིག་པ་གསལ།། ཐམས་ཅད་ཆོས་སྐུ་འབྲས་བུ་མཆོག། ད་ཡང་རྡོ་རྗེ་སེམས་དཔའ་ཉོན།། ལས་ནི་དང་པོའི་རྣལ་འབྱོར་པས།། ཡང་ཡང་གོམས
72a2 པར་མ་བྱས་ཤིང་།། ཞི་གནས་ལས་སུ་མ་རུང་བས།། ཞེན་པ་རང་ལོག་ཉམས་དང་བྲལ།། འཕྲོ་བ་རྐུན་བུའི་བདུད་ཞུགས་ཏེ།། གང་ཡང་རུང་བའི་ཚིག་རེ་ཙམ།། ཡིད་ལ་བྱས་པས་མི་གཡོ་བྲལ།། དེ་ཕྱིར་རང
72a3 རྒྱུད་སེམས་སུ་གོལ།། དད་པ་ཆུང་བས་གདམས་ངག་མེད།། ནན་ཏན་ཆུང་བས་ཉམས་དང་བྲལ།། མང་ཆད་རྐུན་བུ་ཡང་ཡང་ལྡང་།། ངེས་པའི་གདེང་དང་མ་ལྡན་ཕྱིར།། ཕྲ་མོའི་བདུད་ཀྱིས་བསླུས་པས་ལྟུང་།། ད
72a4 ཡང་རྡོ་རྗེ་སེམས་དཔའ་ཉོན།། བསྒོམ་པའི་བདུད་ནི་དེ་དག་ཀྱང་།། ངེས་དོན་མེད་པ་རྣམས་ལ་འབྱུང་།། ལུང་ལྡན་རྣམས་ལ་གནོད་མི་ཚུག། མ་རྟོགས་ཅི་བསྒོམས་བདུད་དུ་འགྱུར།། རྫོགས་པ་ཆེན་པོ་ངེས་དོན
72a5 ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། བསྒོམ་པའི་བདུད་བསྟན་པའི་ལེའུ་སྟེ་དོན་གཅིག་པའོ།། །། ད་ཡང་རྡོ་རྗེ་སེམས་དཔའ་ཉོན།། བྱ་བ་འདུ་འཛི་ལོངས་སྤྱོད་བདུད།།
72a6 ཉམས་དགའ་ཞེན་པ་གནས་ཀྱི་བདུད།། བསླབ་པ་ཡོན་ཏན་གཡེང་བའི་བདུད།། འཁོར་ངན་སེམས་འཁྲུལ་བདུད་རྣམས་འབྱུང་།། ད་ཡང་རྡོ་རྗེ་སེམས་དཔའ་ཉོན།། འདུ་འཛི་ལོངས་སྤྱོད་བདུད་བྱུང་ན།། མན་ངག
iiif viewer powered by OpenSeadragon
