| e-texts navigator |
| Wylie |
71a1 བ་གསལ་བའི་བདུད་བྱུང་གང་།། དོན་མེད་ནན་ཏན་འབད་ནས་བསྒོམ།། མོས་པའི་དབང་གིས་གསལ་བར་བྱིང་།། གཉེན་པོ་གསལ་བའི་དོན་དང་བྲལ།། གཉིད་གསུམ་བསྲེས་པས་གཏི་མུག་རླག།
71a2 ཆོས་ཉིད་ཀློང་དུ་གཉིད་ཐིམ་ཞེས།། སངས་རྒྱས་ཡེ་ཤེས་ཀློང་དུ་ཐིམ།། དེ་ཡང་འདུས་པའི་སྙིང་པོ་ཉོན།། གདམས་ངག་མེད་པའི་དད་ལྡན་གྱིས།། ཏིང་འཛིན་མྱུར་དུ་འགྲུབ་འདོད་ནས།། ཡུན་རིང་བསྒོམ་པས་ཚོད
71a3 མ་ཟིན།། འབྱུང་བ་ཁམས་ཀྱི་སྐྱོན་བྱུང་སྟེ།། མོས་པའི་བདུད་ཞུགས་གསལ་བར་བྱིང་།། མ་རིག་དབང་གིས་གཉིད་བྱུང་སྟེ།། ཐ་མར་རྨི་ལམ་བཟང་ངན་བྱུང་།། རེ་དོགས་མཐར་ལྷུང་འཁོར་བར་འཁྱམས།། དེ་ལ
71a4 གཉེན་པོའི་ཆེད་བྱས་ནས།། གསལ་བར་འདོད་ན་བྱིང་བ་བསལ།། ཆེད་དུ་བྱས་པའི་ཏིང་འཛིན་ཉམས།། མོས་པའི་དབང་གྱུར་བྱོལ་སོང་ལྟུང་།། ད་ཡང་རྡོ་རྗེ་སེམས་དཔའ་ཉོན།། རྨུགས་པ་བདེ་བའི་བདུད་བྱུང
71a5 ན།། ལུང་ལྡན་ཆོས་སྐུ་ངོས་མ་ཟིན།། ཤེས་པ་མུན་པ་ལྷག་མཐོང་མིན།། བསྒོམ་པར་བྱས་ཀྱང་གཏི་མུག་འཕེལ།། རང་རིག་དྲན་པའི་ཡེ་ཤེས་གསལ།། ལྟ་བས་ཟིན་ཕྱིར་བདེན་པར་ཤར།། འབྲས་བུ་ཡེ་ཤེས་འགྱུར
71a6 མེད་ཀློང་།། ད་ཡང་རྡོ་རྗེ་སེམས་དཔའ་ཉོན།། རང་རིག་ཆོས་སྐུ་ངོས་མ་ཟིན།། ཡེ་ཤེས་ཆོས་སྐུ་མ་མཐོང་ཕྱིར།། མ་རིག་དབང་གིས་ཡེ་ཤེས་བསྒྲིབས།། དེ་ཕྱིར་ཀུན་གཞི་ལུང་མ་བསྟན།། དེ་ཚེ་དྲན་མེད་བདུད
iiif viewer powered by OpenSeadragon
