| e-texts navigator |
| Wylie |
70b1 དུས་གསུམ་ཉེས་ལེགས་སྟོན་པ་འབྱུང་།། བདེན་དང་མི་བདེན་ཐ་མ་རྫུན།། མངོན་ཤེས་རྡུགས་པས་ཞེ་སྡང་སྐྱེ།། ཚིག་ལས་འདས་ཕྱིར་རྫུན་མ་གྲུབ།། རྨི་ལམ་བཞིན་དུ་འཁྲུལ་པར་ཤེས།། དོན་རྟོགས་མི་མངའ་རྒྱལ
70b2 བའི་བཀའ།། དེ་ཡང་རྡོ་རྗེ་སེམས་དཔའ་ཉོན།། ཉམས་དང་རྨི་ལམ་གང་ཡང་རུང་།། ཡིད་དུ་འོང་བའི་བདེན་ཚིག་གིས།། དུས་གསུམ་ཉེས་ལེགས་ཐམས་ཅད་སྟོན།། གཞན་ལ་སྨྲས་པས་བདེན་པ་འབྱུང་།། དེ་ཚེ
70b3 བསླུ་བའི་བདུད་ཞུགས་ཏེ།། ལྷ་ཡིས་ལུང་བསྟན་ཡིན་སྙམས་ནས།། ཏིང་འཛིན་བཏང་ནས་གྲོང་ཁར་ཡིན།། ཆོས་ཉིད་བྲལ་བས་རང་རྒྱུད་གོལ།། ཉམས་ཀྱིས་བསླུས་པ་ཕྱིར་གྱེས་ནས།། བར་དུ་ཕྱེད་བདེན་ཕྱེད་མི
70b4 བདེན།། ཐ་མར་སྨྲ་བ་ཐམས་ཅད་རྫུན།། དེ་ཕྱིར་གེགས་ཡིན་ངན་སོང་ལྟུང་།། དེ་ཡང་འདུས་པའི་སྙིང་པོ་ཉོན།། ལྷ་ཡི་བདུད་ནི་དེ་དག་ཀྱང་།། ཡུལ་འདི་གོལ་སར་མ་ཤེས་ཕྱིར།། སྣང་བ་གཟུགས་སོགས་ཞེན་པ་སྟེ།།
70b5 ཡུལ་ལ་སེམས་ཞུགས་ཅི་སྤྱད་བདུད།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ལྟ་བའི་བདུད་བསྟན་པའི་ལེའུ་སྟེ་བདུན་ཅུ་པའོ།། །། ད་ཡང་རྡོ
70b6 རྗེ་སེམས་དཔའ་ཉོན།། སྒོ་ལྔ་བྱིང་བ་གསལ་བའི་བདུད།། དྲན་མེད་རྨུགས་པ་བདེ་བའི་བདུད།། རྐྱེན་གྱིས་དགོས་པ་མི་རྟོག་བདུད།། འཕྲོ་བ་མི་གཡོའི་བདུད་རྣམས་བྱུང་།། ད་ཡང་རྡོ་རྗེ་སེམས་དཔའ་ཉོན།། བྱིང
iiif viewer powered by OpenSeadragon
