| e-texts navigator |
| Wylie |
6b1 མ་གོས་ལྟར།། བྱང་ཆུབ་སེམས་ཀྱི་ངོ་བོ་ལ།། གཟུང་འཛིན་དྲི་མ་གཞི་ལ་མེད།། འཁྲུལ་པའི་བློ་ལ་དྲི་མ་བྱུང་།། དེ་སྐད་ཅེས་ནི་གསུངས་པ་ཡིས།། རང་གི་བློ་ཡི་ཐེ་ཚོམ་ཆོད།། ཞུ་བ་ཞུས་ཕྱིར་ངེས་པ་རྙེད།། ངེས་པའི
6b2 ཡེ་ཤེས་མངོན་དུ་གྱུར།། ད་ཡང་འཁོར་གྱི་སྙིང་པོ་ཉོན།། བྱང་ཕྱོགས་རྣམ་དག་ཞིང་ཁམས་ན།། སངས་རྒྱས་ལས་རབ་གྲུབ་པ་དེ།། ཨིནྡྲ་ནཱི་ལའི་གདན་བཞུགས་ཏེ།། ངེས་དོན་བཙལ་མེད་འབྲས་བུ་སྟོན།། དེ་ལ
6b3 བསྐོར་བ་བྱས་ནས་ནི།། ཀུན་ནས་ཉམས་མྱོང་དད་པ་ཡིས།། ངེས་དོན་ཞུ་བའི་རྟེན་དུ་ཡང་།། ཏ་པ་ལ་ཡི་འབྲས་བུ་ཕུལ།། དེ་ལ་ངེས་པའི་དོན་ཞུས་པ།། ཆོས་སྐུ་གཅིག་ལས་མེད་པའི་ཕྱིར།། བཙལ་མེད་སེམས་ཀྱི
6b4 རང་བཞིན་ལ།། འགྲོ་དོན་མཛད་པ་ཅི་ལྟར་ལགས།། དེ་སྐད་ཞུས་པས་དོན་གསན་ནས།། སངས་རྒྱས་ལས་རབ་གྲུབ་པ་དེ།། མེ་ཏོག་ཏ་བས་ཐུགས་དགྱེས་ཏེ།། ཞུས་པའི་ལན་དེ་བཀའ་སྩལ་པ།། རང་བྱུང་ཆོས་སྐུ
6b5 རྟོགས་གྱུར་ན།། བྱ་བའི་ལས་རྣམས་མི་དགོས་ཏེ།། ནོར་བུ་རིན་ཆེན་རྙེད་པ་འདྲ།། མཛད་པ་འཕྲིན་ལས་རང་ལས་འབྱུང་།། དེ་སྐད་ཅེས་ནི་གསུངས་པ་ཡིས།། རང་གི་འཁྲུལ་པའི་ཐེ་ཚོམ་ཆོད།། ཞུ་བ་ཞུས་ཕྱིར་ངེས
6b6 པ་རྙེད།། དེ་ཕྱིར་འབྲས་བུ་མངོན་དུ་གྱུར།། དེ་ཡང་འདུས་པའི་སྙིང་པོ་ཉོན།། ཤར་ལྷོ་འཚེ་མེད་ཞིང་ཁམས་ན།། སངས་རྒྱས་རྒྱལ་བའི་དབང་པོ་དེས།། དད་ལྡན་ཉིད་ཀྱི་འཁོར་རྣམས་ལ།། བཙལ་མེད་འབྲས་བུའི
iiif viewer powered by OpenSeadragon
